22 Верасень, субота

Вы тут

У Мінску - мошчы святых вялікай княгіні Елісаветы і інакіні Варвары


Святыні з вечара 19 мая і да абеду 20 мая будуць знаходзіцца ў Свята-Духавым кафедральным саборы Мінска. З пяці гадзін вечара 20 мая да 22 мая кругласутачны доступ арганізаваны ў Дзяржаўным храме Свята-Елісавецінскага манастыра ў мікрараёне Навінкі.


Княгіня Елісавета — адна з агульнашанаваных святых у праваслаўных вернікаў. Больш за дзясятак храмаў у свеце пабудаваны ў яе гонар. Прыбыцця мошчаў княгіні Елісаветы асабліва чакаюць насельніцы манастыра (іх больш за 100) у Навінках, які носіць яе імя.

— Сёстры кажуць: «Матушка Елісавета прыедзе». Спачатку не верыцца, пакуль не ўбачыш афішы. Прыезд нашай святой стане сапраўдным душэўным уздымам для сясцёр, — кажа манашка Свята-Елісавецінскага манастыра Сафія (Крупіна).

Манастыр невыпадкова носіць імя святой княгіні. Побач з ім знаходзяцца дзіцячы і дарослы псіханеўралагічныя дыспансеры, рэспубліканскі цэнтр псіхічнага здароўя. Такія хворыя патрабуюць асаблівай любові і клопату, якія пры жыцці паказвала Елісавета і яе паплечніцы ў створаным ёю Марфа-Марыінскім прыстанку.

— Калі выбіралі месца для манастыра, тут была пустка. Разумелі, што мы размесцімся побач з бальніцай і павінны акармляць людзей, якія знаходзяцца там, — адзначае манашка Сафія (Крупіна).

Падзвіжніца XX стагоддзя вядомая як нябесная заступніца лекараў, супрацоўнікаў сацыяльных службаў і дабрачынцаў. «Святая Елісавета — яна таксама і ахоўніца сямейных пар і духоўна нямоглых. Многія людзі хварэюць духоўна — стрэсы, гонка ў працы. Галоўнае, каб чалавек ішоў да святыні з верай. Ад каўчэга з мошчамі княгіні Елісаветы кожны прыхаджанін пойдзе суцешаны», — сказала манашка Сафія.

У Мінск з Нью-Ёрка будзе прынесены каўчэг з правіцай княгіні і часткай мошчаў інакіні Варвары. «Нават маленькая рэштка мошчаў святога валодае такой жа сілаю хараства Божага, як і ўсе мошчы, таму часткі вымаюцца для пакланення, — адзначае Аляксандр Бендзін, доктар гістарычных навук, прафесар кафедры багаслоўя Інстытута тэалогіі БДУ. — Да мошчаў звяртаюцца людзі, якія апынуліся ў цяжкіх жыццёвых абставінах, — хвароба, гора. Чалавек разумее сваё поўнае бяссілле, і застаецца апошняя надзея — на дапамогу Божую...

Марыя ДАДАЛКА

Загаловак у газеце: Нябесная заступніца сацыяльных службаў

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.