У Мінскай вобласці больш чым на 6 % павялічыліся стаўкі падаходнага падатку ў фіксаваных сумах з фізічных асоб, якія атрымліваюць прыбытак ад здачы ў арэнду жылых, нежылых памяшканняў і машына-месцаў. Адпаведнае рашэнне прынята Мінскім абласным Саветам дэпутатаў.
Памер ставак адрозніваецца па гарадах і тэрыторыях. Напрыклад, у Жодзіне за здачу ўнаём жылых памяшканняў (за кожны пакой), садовых домікаў, дач неабходна ў месяц заплаціць 16,5 рубля, за арэнду гаража — 4,2—5,3 рубля (у залежнасці ад віду); у Барысаве, Заслаўі, Маладзечне, Мар'інай Горцы, Слуцку, Смалявічах, Салігорску — 15,3 рубля, 4,2—5,3 рубля адпаведна; у іншых гарадах раённага падпарадкавання — 10 рублёў за пакой і ад 3,6 да 4,2 рубля за гараж.
Для населеных пунктаў, размешчаных на тэрыторыях Нарачанскага і Мядзельскага сельсаветаў, у перыяд з мая па верасень памер стаўкі роўны 41 рублю (за здачу ў арэнду жылых памяшканняў, садовых домікаў і дач) і ад 4,2 да 4,3 рубля (за здачу ў арэнду гаража); для населеных пунктаў Мінскага раёна — 15,3 рубля і ад 4,8 да 6,1 рубля адпаведна; для іншых тэрыторый — 9 рублёў і 3,5—4,2 рубля адпаведна.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
