З 22 па 26 мая на тэрыторыі дзіцячага рэабілітацыйна-аздараўленчага цэнтра "Колас" (Кобрынскі раён) адбудзецца 46-ы рэспубліканскі злёт-конкурс атрадаў юных інспектараў руху.
У спаборніцтвах прымуць удзел каманды-пераможцы з кожнага рэгіёну нашай краіны, а таксама госці з Расійскай Федэрацыі і Рэспублікі Казахстан.
Юныя памочнікі Дзяржаўтаінспекцыі паспаборнічаюць у веданні Правілаў дарожнага руху, вызначаць лепшых у аказанні першай дапамогі пацярпелым, а таксама будуць змагацца за званне лепшых у конкурсах: “Ваджэнне веласіпеда ва ўмовах, аналагічных рэальнаму дарожнаму руху”, “Уважлівы ўдзельнік дарожнага руху”, “Фігурнае ваджэнне веласіпеда”, “Агітацыйна-мастацкае прадстаўленне", конкурс-прэзентацыя “Мой атрад” і многія іншыя.
Урачыстая цырымонія адкрыцця 46-га рэспубліканскага злёту-конкурсу юных інспектараў руху адбудзецца 22 мая ў 16.00 на тэрыторыі мемарыяльнага комплексу "Брэсцкая крэпасць-герой".
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».