Вы тут

Адбудзецца візіт дэлегацыі Кітайскай акадэміі навук у НАН Беларусі


Дэлегацыя Кітайскай акадэміі навук, якую ўзначальвае яе Прэзідэнт, спадар Бай Чуньлі, прыбывае па запрашэнні кіраўніцтва НАН Беларусі. Галоўная мэта візіту — абмеркаванне перспектыўных напрамкаў і механізмаў развіцця супрацоўніцтва паміж Нацыянальнай акадэміяй навук Беларусі і Кітайскай акадэміяй навук, азнаямленне з дзейнасцю арганізацый НАН Беларусі.


Плануецца, што Прэзідэнт Кітайскай акадэміі навук правядзе перамовы з кіраўніцтвам Нацыянальнай акадэміі навук Беларусі, азнаёміцца ​​з экспазіцыяй пастаянна дзеючай выставы "Дасягненні айчыннай навукі — вытворчасці",  ​​наведае пяць навуковых устаноў НАН Беларусі: Інстытут цепла- і масаабмену, Інстытут хіміі новых матэрыялаў, Аб'яднаны інстытут энергетычных і ядзерных даследаванняў — Сосны, Рэспубліканскае навукова-вытворчае прадпрыемства "Акадэмфарм" і Інстытут фізікі. Гэта першы візіт кіраўніка найбуйнейшай навуковай арганізацыі Кітая ў НАН Беларусі.

16 лістапада 2017 года падчас сесіі Агульнага сходу НАН Беларусі адбыліся выбары замежных членаў Нацыянальнай акадэміі навук Беларусі. У выніку адкрытага галасавання было абрана 6 замежных членаў, сярод іх Прэзідэнт Кітайскай акадэміі навук Бай Чуньлі —  вядомы вучоны сусветнага ўзроўню ў галіне нанатэхналогій і сканіруючай зондавай мікраскапіі.

23 мая  адбудзецца ўрачыстае ўручэнне дыплома замежнага сябра НАН Беларусі Прэзідэнту Кітайскай акадэміі навук спадару Бай Чуньлі. Гэта адбудзецца ў рамках пасяджэння Прэзідыума НАН Беларусі па пытаннях развіцця супрацоўніцтва з Кітайскай акадэміяй навук. На пасяджэнні будуць прэзентаваныя перспектыўныя напрамкі супрацоўніцтва і абмеркаваны механізмы пашырэння ўзаемадзеяння паміж НАН Беларусі і КАН.


Даведка:

Кітайская акадэмія навук або Акадэмія навук КНР — галоўная навуковая арганізацыя ў краіне, вядучы цэнтр фундаментальных даследаванняў у галіне прыродазнаўчых навук. На сённяшні дзень даследчай дзейнасцю тут займаюцца больш як 67 900 чалавек, у іх ліку каля 56 тысяч прафесійных даследчыкаў і навукоўцаў. З іх каля 22 800 з'яўляюцца прафесарамі або дацэнтамі. Пачынаючы з сярэдзіны 1980-х гадоў, у рамках Кітайскай акадэміі навук створана вялікая колькасць камерцыйных структур. Сярод іх і камп’ютарная кампанія Lenovo.

З 2011 года Акадэміяй навук кіруе Прэзідэнт Бай Чуньлі.

Кітайская акадэмія навук уключае пяць аддзяленняў:

  • Аддзяленне матэматычных навук;
  • Аддзяленне фізічных навук;
  • Аддзяленне хімічных навук;
  • Аддзяленне навук аб Зямлі;
  • Аддзяленне тэхнічных навук.

У цяперашні час Кітайская Акадэмія Навук ўключае 104 навукова-даследчых інстытута, 12 галіновых акадэмій і тры ўніверсітэты.

Надзея НІКАЛАЕВА

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.