Вы тут

У найбліжэйшыя двое сутак захаваецца няўстойлівае надвор'е


У найбліжэйшыя двое сутак захаваецца няўстойлівае надвор'е з кароткачасовымі дажджамі. У другой палове тыдня дажджоў стане менш, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У сераду ўмовы надвор'я на нашай тэрыторыі будуць вызначаць франтальныя раздзелы і няўстойлівыя паветраныя масы, якія паступаюць з паўднёвага захаду Еўропы. На большай частцы краіны пройдуць кароткачасовыя дажджы, у асобных раёнах з навальніцамі. Уначы і раніцай месцамі чакаецца слабы туман. Тэмпература паветра ўначы складзе ад плюс 7 да плюс 13 градусаў. Удзень будзе ў асноўным 18—24 цяпла, па паўднёвым усходзе паветра прагрэецца да плюс 25 — плюс 27 градусаў. У чацвер франтальныя раздзелы пакінуць тэрыторыю краіны. Уначы месцамі чакаюцца кароткачасовыя дажджы, а ўдзень будзе пераважна без ападкаў, толькі па ўсходзе краіны пройдуць кароткачасовыя дажджы, у асобных раёнах прагрымяць навальніцы. Тэмпература паветра ўначы складзе 8—14 цяпла, па паўднёвым усходзе краіны — плюс 15 — плюс 16 градусаў. Удзень будзе ад плюс 18 градусаў на паўночным захадзе да 25 цяпла на паўднёвым усходзе краіны.

Паводле папярэдніх прагнозаў айчынных сіноптыкаў, у пятніцу ў асобных раёнах, у асноўным па поўдні краіны, чакаюцца кароткачасовыя дажджы, магчымы навальніцы. Тэмпература паветра ўначы складзе 6—13 цяпла. Удзень будзе ад плюс 16 да плюс 21 градуса, па паўднёвым захадзе краіны паветра прагрэецца да 24 цяпла.

Сяргей КУРКАЧ

Загаловак у газеце: Дажджы, навальніцы і невялікі туман

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».