Вы тут

Кабякоў даў інтэрв'ю кітайскаму інфармацыйнаму агенцтву «Сіньхуа»


Прэм'ер-міністр Беларусі Андрэй Кабякоў даў інтэрв'ю кітайскаму інфармацыйнаму агенцтву «Сіньхуа», паведамілі «Звяздзе» ў прэс-службе ўрада.


Падчас інтэрв'ю Андрэй Кабякоў адказаў на пытанні аб развіцці беларуска-кітайскіх адносін: удзеле Беларусі ў будаўніцтве эканамічнага пояса Шаўковага шляху, гандлёва-эканамічным узаемадзеянні дзвюх краін, перспектывах індустрыяльнага парка «Вялікі камень» і іншых сумесных праектаў, узаемнай адмене віз, гуманітарным супрацоўніцтве і многім іншым.

Сустрэча прэм'ер-міністра з агенцтвам «Сіньхуа» адбылася перад афіцыйным візітам у Беларусь намесніка старшыні КНР Ван Цішаня, які запланаваны ў канцы мая. Візіт у Беларусь Ван Цішаня пройдзе напярэдадні пасяджэння Савета кіраўнікоў дзяржаў — членаў Шанхайскай арганізацыі супрацоўніцтва ў Кітаі. Прэзідэнт Беларусі Аляксандр Лукашэнка прыме ўдзел у гэтым пасяджэнні, плануецца яго сустрэча са Старшынёй КНР Сі Цзіньпінам.

«Мы разглядаем візіт Ван Цішаня ў Беларусь перш за ўсё ў рэчышчы нашай падрыхтоўкі да сустрэчы лідараў дзвюх краін. Мы маем намер абмяняцца думкамі па актуальных пытаннях сусветнага парадку дня, абмеркаваць сумесныя намаганні, накіраваныя на развіццё нашага сумеснага праекта — індустрыяльнага парка «Вялікі камень», шляхі пашырэння беларуска-кітайскага супрацоўніцтва ў галіне машынабудавання, супрацоўніцтва ў гуманітарнай сферы, рэалізацыю шэрагу сумесных інвестыцыйных праектаў», — адзначыў у інтэрв'ю Андрэй Кабякоў.

(Ул. інф.)

Загаловак у газеце: Стратэгічнае партнёрства

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці