Вы тут

У Гарадку днямі адкрылі помнік маршалу Івану Баграмяну


У Гарадку днямі адкрылі помнік двойчы Герою Савецкага Саюза, маршалу Івану Хрыстафоравічу Баграмяну. Войскі першага Прыбалтыйскага фронту, якім ён камандаваў, вызвалялі гэту зямлю. Дарэчы, першую Зорку Героя Баграмян атрымаў у 1944 годзе за вызваленне Беларусі.


У ганаровай цырымоніі адкрыцця помніка ўдзельнічалі яго нашчадкі. У прыватнасці, унук і поўны цёзка Іван Баграмян. У райцэнтр у гэты дзень таксама прыехалі Надзвычайны і Паўнамоцны Пасол Рэспублікі Арменія ў Беларусі Алег Есаян, старшыня Віцебскага абласнога Савета дэпутатаў Уладзімір Цярэнцьеў, старшыня Рэспубліканскай камісіі па ўвекавечанні памяці загінулых, ахвяр і абаронцаў Айчыны Беларускага грамадскага аб'яднання ветэранаў Сяргей Азаронак і іншыя.

Помнік знаходзіцца ў маляўнічым скверы ў пачатку вуліцы, якая носіць імя Баграмяна. Ініцыятарам увекавечання памяці маршала стаў Фонд развіцця і падтрымкі армяназнаўчых даследаванняў «АНІЎ» (у перакладзе — «кола»).

Як падкрэсліў старшыня Гарадоцкага раённага выканаўчага камітэта Пётр Карабач, адкрыццё помніка — важная падзея для горада. Ён будзе спрыяць ваенна-патрыятычнаму выхаванню тутэйшай моладзі.

Спецыяльна да адкрыцця помніка герою ў горадзе арганізавалі святочны канцэрт, а таксама экспазіцыю раённага музея баявой славы і тэматычную выстаўку «Палкаводцы Вялікай Перамогі». Яна спецыяльна была падрыхтавана Дзяржаўным музеем ваеннай гісторыі Рэспублікі Беларусь да 120-годдзя з дня нараджэння маршала.

Аляксандр ПУКШАНСКІ

Загаловак у газеце: Помнік маршалу

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.