Вы тут

Да канца чэрвеня ў сталіцы з'явіцца новая пешаходная зона


Новая пешаходная зона ў гістарычным цэнтры захопіць частку вуліцы Камсамольскай (ад Інтэрнацыянальнай да Нямігі) і Рэвалюцыйную.


Працы тут стартавалі ўвосень з перакладкі інжынерных сетак, а цяпер ідзе актыўнае пераўтварэнне прасторы. Працэс рэканструкцыі практычна завяршыўся на Камсамольскай, а вось на Рэвалюцыйнай у самым разгары: ідуць земляныя работы, афарбоўка фасадаў.

Мы падышлі да будучай пешаходнай зоны з боку вуліцы Інтэрнацыянальнай. У гэты час спецыялісты генпадраднай арганізацыі завяршалі брукаванне гранітам. Фактычна новае аблічча Камсамольскай ужо бачнае. Па цотным баку пакінута паласа для праезду тэхналагічнага транспарту і заезду аўтамабіляў жыхароў у свае двары. Гэтая зона з абодвух бакоў аддзеленая адмысловымі слупкамі-абмежавальнікамі. Уся астатняя прастора вымашчана гранітам, на тэрыторыі разбітыя новыя клумбы, устаноўлены сімпатычныя ліхтары.

Тут ужо прыгожа, а будзе яшчэ лепш, калі з'явяцца лаўкі для адпачынку, а на ўчастку Рэвалюцыйнай ад Камсамольскай да Гарадскога Вала летам адкрыюцца выносныя кафэ. Скрыжаванне вуліц Камсамольскай і Рэвалюцыйнай ўпрыгожыць дэкаратыўна-скульптурная кампазіцыя "Гадзіннік". Хранометр будзе сапраўдны, яго робяць на заказ на мінскім прадпрыемстве. Кампазіцыю дапоўняць указальнікі з назвамі аб'ектаў гістарычнага цэнтра.

Таксама абмяркоўваецца пытанне ўстаноўкі на Камсамольскай некалькіх невялікіх гандлёвых павільёнаў, стылізаваных ў духу забудовы XIX стагоддзя.

minsknews.by

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.