Вы тут

Паэтычныя провады вясны адбудуцца 26 мая ў Батанічным садзе


Літаратурнае свята провадаў вясны "Бэзавае полымя паэзii" пройдзе 26 мая ў Цэнтральным батанічным садзе НАН Беларусі, паведамілі ва ўстанове.


Фота: babyblog.ru

"У садзе завяршаецца сезон цвіцення бэзу - прыгожая пара. Каб паспець атрымаць асалоду ад гэтых цудоўных вясновых імгненняў у рамантычнай атмасферы пад гукі гітары і лірычныя вершы арганізавана свята з адмысловымі гасцямі - таленавітымі беларускімі паэтамі розных пакаленняў, музыкантамі і спевакамі", - распавялі ў Батанічным садзе.

Спецыяльным госцем мерапрыемства стане камерны хор Salutaris, неаднаразовы пераможца і прызёр міжнародных конкурсаў. Запрошаны на свята і прадстаўнікі вядучых беларускіх часопісаў: "Вясёлкі", "Маладосці", "Полымя", "Верасня", якія шмат гадоў адкрываюць свету новыя імёны і творы. На паэтычным свяце таксама не абыдзецца без адкрыццяў - плануецца творчы дэбют, імя выступоўцы пакуль трымаецца ў сакрэце.

Трапіць на свята можна па кодавай фразе: "Бэзавае полымя паэзіі". Кожны, хто скажа пароль пры ўваходзе, патрапіць у Батанічны сад бясплатна, атрымаўшы яшчэ адзін бонус у падарунак - экскурсію па аранжарэі трапічных раслін.

БЕЛТА

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».