Двухдзённыя XXIV Міжнародныя Кірыла-Мяфодзіеўскія чытанні “Хрысціянства як інтэгравальны фактар сусветнай культуры” распачнуць сваю працу 29 мая. Арганізатарамі форуму выступаюць Інстытут тэалогіі імя святых Мяфодзія і Кірыла БДУ, Міжнароднае грамадскае аб'яднанне “Хрысціянскі адукацыйны цэнтр імя святых Мяфодзія і Кірыла", Беларускі дзяржаўны ўніверсітэт культуры і мастацтваў, Мінская духоўная акадэмія імя свяціцеля Кірылы Тураўскага.
Урачыстае адкрыццё адбудзецца ў Мінскай гарадской Ратушы. У цырымоніі прымуць удзел рэктар Інстытута тэалогіі БДУ імя святых Мяфодзія і Кірыла, мітрапаліт Мінскі і Заслаўскі Павал, Патрыяршы Экзарх усяе Беларусі, арцыбіскуп мітрапаліт Мінска-Магілёўскі Тадэвуш Кандрусевіч і іншыя.
У першы дзень форуму пройдзе таксама Фестываль харавых спеваў “Спяваюць дзеці — спявае горад!”. Сваё майстэрства прадэманструюць калектывы 16 устаноў агульнай сярэдняй адукацыі Мінска, а таксама Мінскай духоўнай акадэміі.
Усяго ў канферэнцыі запланаваны ўдзел больш як 200 навукоўцаў, вядучых багасловаў, філосафаў, культуролагаў, гісторыкаў, філолагаў, педагогаў з Беларусі, Расіі, Украіны, Польшчы і Азербайджана. У рамках секцыйных пасяджэнняў адбудзецца абмеркаванне пытанняў, якія тычацца багаслоўскай культуры, этнаканфесіянальнага добрасуседства, гісторыі Беларускай Праваслаўнай Царквы, хрысціянскіх каштоўнасцяў у сістэме адукацыі і іншых.
У праграму форуму ўключаны таксама круглыя сталы на тэмы "Сучасная рэлігійнасць” і “Духоўнасць, маральнасць, традыцыі. Хрысціянскія каштоўнасці ў сістэме адукацыі”
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
