Недзе паўтара тыдні таму першыя клубніцы на сталічным Камароўскім рынку прадавалі па 12 рублёў за кілаграм. У гэтыя выхадныя каля станцый метро салодкую ягаду прапаноўвалі ўжо па 6 рублёў. Гавораць, што прагнозы сёлета на ўраджай клубніц вельмі добрыя і яна можа патаннець нават да 50 капеек за кілаграм.
— Так, чакаем вельмі добры ўраджай (вядома, з папраўкай на «нябесную канцылярыю») і плануем вялікі аб'ём нарыхтовак, — пацвердзілі ў Лунінецкім раённым спажывецкім таварыстве. — Пры плане ў 250 тон пры спрыяльных умовах думаем нарыхтаваць 380—385 тон салодкай ягады. Праўда, закупачныя цэны на яе яшчэ не ўстаноўлены, бо клубніцы толькі пайшлі. Першыя, так званыя таварныя, ягады ў Дварцы напачатку закуплялі па 2,5—2,8 рубля за кілаграм, а сёння ўжо па 1—1,2 рубля. Так што цалкам магчымая і цана ў 50 капеек. Летась па такой цане мы прымалі клубніцы ў скрынях для дзіцячага харчавання, ягады для вінаробства ішлі па 30 капеек за кілаграм.
Апроч лунінецкіх клубніц зараз стала шмат ягады з Драгічынскага раёна, дзе яе вырошчваюць фермеры. Так што галоўнае, каб надвор'е не падвяло. Тады сапраўды будзем і з вясенне-летнім ласункам, і з прымальнымі цэнамі на яго.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
