Вы тут

Дзевяць інвестыцыйных праектаў падпісана ў Гомелі


Дзевяць інвестыцыйных праектаў коштам больш за $480 млн падпісана падчас эканамічнага форуму ў Гомелі.


Падпісаны інвестыцыйны дагавор наконт будаўніцтва гандлёва-сэрвіснага цэнтра ў Гомелі. Пратаколамі аб намерах прадугледжана рэалізацыя будаўніцтва смеццепера-
працоўчых заводаў цвёрдых камунальных адходаў у Гомельскім, Жлобінскім і Мазырскім раёнах, стварэнне ў абласным цэнтры вытворчасці артапедычных і траўматалагічных імплантаў, арганізацыя мяса-каўбаснай вытворчасці ў Буда-Кашалёўскім раёне. Таксама запланавана будаўніцтва завода па вытворчасці прафіляваных лістоў рознай канфігурацыі на тэрыторыі СЭЗ «Гомель-Ратон», гандлёвага цэнтра ў Петрыкаве, гандлёва-лагістычнага цэнтра на тэрыторыі Гомельскай вобласці. Сярод праектаў і мадэрнізацыя ўчастка ААТ «Спартак», развіццё гандлёвай сеткі «Санта» ў рэгіёне. Рэалізацыя гэтых праектаў дазволіць стварыць больш за 700 рабочых месцаў.

Намеснік прэм'ер-міністра Беларусі Уладзімір Сямашка падкрэсліў, што ў краіне створаны ўсе ўмовы для развіцця інавацый і прыцягнення інвестыцый:

— Увесь час удасканальваецца заканадаўчая база, вызначаны шэраг прэферэнцый, працуюць свабодныя эканамічныя зоны, Парк высокіх тэхналогій. Беларусь з'яўляецца выдатнай пляцоўкай для выхаду замежных кампаній-інвестараў на рынак Еўразійскага эканамічнага саюза.

Старшыня Гомельскага аблвыканкама Уладзімір Дворнік адзначыў, што развіццё знешнеэканамічных сувязяў і ўсталяванне кантактаў з інвестарамі — сярод прыярытэтных кірункаў дзейнасці мясцовых органаў улады:

— За гады існавання форум набыў статус ключавога мерапрыемства года з маштабнай прэзентацыяй інвестыцыйных магчымасцяў вобласці і змястоўнай дыскусіяй па пытаннях рэгіянальнага развіцця, стаў пляцоўкай інвестыцыйных ідэй для існуючых і патэнцыйных партнёраў. Сёння Гомельская вобласць як частка тэрыторыі рэспублікі ўяўляе сабой сукупнасць самых розных прэферэнцыяльных рэжымаў, у рамках якіх інвестарам даюцца падатковыя, мытныя палёгкі і іншыя перавагі для стварэння і паспяховага вядзення бізнесу.

У межах эканамічнага форуму старшыня Гомельскага аблвыканкама Уладзімір Дворнік і намеснік старшыні Чарнігаўскай абласной дзяржаўнай адміністрацыі Наталля Раманава падпісалі дагавор аб супрацоўніцтве паміж рэгіёнамі. Яго важнымі пунктамі сталі сумесныя праекты ў сферы сярэдняга і малога бізнесу, а таксама цікавы праект «Дняпроўскі паром», які накіраваны на развіццё турызму.

Сёлетні XV па ліку Гомельскі эканамічны форум сабраў удзельнікаў з 32 краін, сярод якіх Германія, Кітай, Ізраіль, Італія, Грузія, Расія, Фінляндыя, Чэхія, Нігерыя, Польшча, Румынія, Сербія...

Ірына АСТАШКЕВІЧ

Загаловак у газеце: Інвестыцыі прыносяць плён

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».