Вы тут

Дэлегацыя Народнага сходу Балгарыі наведала Беларусь


Працоўны панядзелак у Савеце Рэспублікі пачаўся з сустрэчы Міхаіла МЯСНІКОВІЧА, старшыні Савета Рэспублікі Нацыянальнага сходу, з дэлегацыяй групы сяброўства «Балгарыя — Беларусь» Народнага сходу Балгарыі на чале з яе кіраўніком Васілам Антонавым. Бакі абмеркавалі ключавыя моманты ў супрацоўніцтве.


Васіл Антонаў.

За лета ў сярэднім 80 тысяч беларусаў адпачываюць на балгарскіх курортах. Міхаіл Мясніковіч адзначыў актывізацыю турызму. На яго думку, гэты напрамак будзе развівацца і далей, у тым ліку за кошт таго, што няма істотнага моўнага бар'еру, ды і менталітэт у двух народаў падобны.

Акрамя таго, старшыня Савета Рэспублікі звярнуў увагу, што паміж краінамі склаліся добрыя двухбаковыя адносіны, ёсць пазітыўныя зрухі ў гандлёва-эканамічным супрацоўніцтве. Работа пасла Беларусі ў Балгарыі таксама мае станоўчы эфект. Аднак, на думку Міхаіла Мясніковіча, абапірацца трэба не толькі на дыпламатычны корпус, але і на супрацоўніцтва парламентарыяў. Неабходна развіваць у большай ступені рэгіянальнае ўзаемадзеянне, бо не ўсе пытанні лепш вырашаць са сталіцы. Таксама сярод галін, дзе можна павысіць узровень узаемадзеяння, старшыня Савета Рэспублікі адзначыў навуку і адукацыю.

Спікер верхняй палаты беларускага парламента звярнуў увагу на Арганізацыю чарнаморскага эканамічнага супрацоўніцтва. Беларусь у ёй выступае назіральнікам, а Балгарыя з'яўляецца адным з дванаццаці членаў. Міхаіл Мясніковіч выказаў пажаданне, каб арганізацыя была больш пазнавальная, у тым ліку па лініі парламентарыяў. «Мяркуем, што гэта таксама будзе адзін з элементаў, якія фарміруюць залог стабільнасці ў Еўропе. Мы вельмі шмат увагі аддаём фарміраванню палітыкі ўзаемнага даверу і зніжэнню напружанасці ў Еўропе», — падкрэсліў старшыня Савета Рэспублікі.

Дарэчы, Васіл Антонаў нагадаў, што Балгарыя ў гэтым паўгоддзі старшынствуе ў Еўрасаюзе. Візіт у Беларусь, на яго думку, замацуе ўзровень двухбаковых адносін. Акрамя таго, учора адбылася сустрэча Міхаіла Мясніковіча з прэзідэнтам Балгарскай акадэміі навук Юліянам Рэвальскі. Сёння Васіл Антонаў сустрэнецца з рабочай групай Нацыянальнага сходу Беларусі па супрацоўніцтве з парламентам Балгарыі.

Надзея АНІСОВІЧ

Загаловак у газеце: Турызм, гандаль і ўклад у стабільнасць

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.