Вы тут

Праз падарожжа да творцаў


Прапануе турыстычна-пазнавальны праект «Мінскія дынастыі»

Прайсці па слядах вялікіх дзеячаў, зазірнуць у пакоі, дзе стваралася гісторыя... У Мінску ўпершыню адкрылі праект турыстычнай скіраванасці «Мінскія дынастыі», які прапануе ўдзельнікам наведаць месцы, звязаныя з лёсам, дзейнасцю значных беларускіх асоб у сферы культуры і мастацтваў. У выніку 19 мая адбылося адкрыццё праекта, падчас якога каля трыццаці чалавек адправіліся ў горад Крупкі, каб даведацца пра творчы шлях мастака Барыса Аракчэева, пазнаёміцца з гісторыяй яго сям’і.


Першая вандроўка паказала, што праект «Мінскія дынастыі» можа стаць паспяховым. Арганізатары за невялікія грошы прапануюць вялікую праграмму: наведванне мясцін, звязаных з творцамі, таксама экскурсію па самім горадзе альбо населеным пункце ці вёсцы. Ёсць у праграме лекцыі мастацтвазнаўцаў, прадугледжана наведванне страўняў, дзе знаёмяць з беларускай кухняй.

Асноўная мэта праекта — папулярызацыя культуры Беларусі як у краіне, так і мяжой. Арганізатары адзначаюць: калі займацца піяр-кампаніяй мэтанакіравана, то гасцям краіны будзе цікава пазнаёміцца з сем’ямі беларускіх мастакоў асабіста і даведацца пра нацыянальнае мастацтва Беларусі. Тым больш ёсць магчымасць выбраць мову правядзення экскурсій: рускую, беларускую, англіскую альбо нямецкую. Ды і глядзець ёсць што: гісторыя маленькіх гарадоў і мястэчак краіны абяцае шмат адкрыццяў.

Пакуль будуць паездкі па мясцінах Барыса Аракчэева, але хутка абяцаюць анансаваць і новыя маршруты. Адна з найбліжэйшых — вандроўка па мясцінах Валенція Ваньковіча. Астатнія прозвішчы арганізатары пакуль трымаюць у сакрэце. Але вядома, што экскурсіі па самых запатрабаваных напрамках будуць паўтарацца.

Вікторыя АСКЕРА

Дадаць каментар

Выбар рэдакцыі

Грамадства

Вынікі на ЦТ ацэньваліся па дзвюх методыках

Вынікі на ЦТ ацэньваліся па дзвюх методыках

Але сертыфікаты абітурыенты атрымалі з баламі па ранейшай сістэме падлікаў.

Грамадства

Дызайнерка з Оршы зладзіла вяселле з беларускім каларытам

Дызайнерка з Оршы зладзіла вяселле з беларускім каларытам

Ідэя зладзіць свята ў беларускім стылі належыць яе выбранніку Аляксею Валадзько.

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі.