Вы тут

На што ідзе гуманітарная дапамога?


У гуманітарным кірунку наша краіна супрацоўнічае больш чым з сотняй дзяржаў. Прыярытэт аддаецца праектам у сферы адукацыі, абароны навакольнага асяроддзя, аховы здароўя. Так, у нас заключана 14 дагавораў з замежнымі дзяржавамі на аздараўленне дзяцей. За 30 гадоў такой магчымасцю скарысталіся каля мільёна дзяўчатак і хлопчыкаў.


Усе краіны, з якімі супрацоўнічае Беларусь, маюць пэўную нішу. Напрыклад, Германія накіроўвае сродкі на падтрымку ахвяр халакосту, ветэранаў Вялікай Айчыннай вайны, стварэнне рэсурсазберагальных тэхналогій. Аўстрыя забяспечвае функцыянаванне SOS — Дзіцячых вёсак. Кітай, Вялікабрытанія рэалізуюць адукацыйныя праекты. ЗША пастаўляе лекавыя сродкі і медыцынскае абсталяванне.

— У пачатку года быў зацверджаны комплекс мер па прыцягненні замежнай бескарыснай дапамогі ў рэспубліку. Асноўная мэта дадзенага дакумента — актывізаваць дзейнасць дзяржаўных органаў па супрацоўніцтве з замежнымі і беларускімі партнёрамі. Вынікам стане павелічэнне колькасці гуманітарных праектаў, — адзначыла начальнік упраўлення гуманітарнай дзейнасці дэпартамента па гуманітарнай дзейнасці Кіраўніцтва справамі Прэзідэнта Інга ГАРБУНЦОВА.

Беларусь, у сваю чаргу, вядома як краіна-донар у пытаннях надзвычайнага рэагавання. Афіцыйны прадстаўнік МНС Віталь НАВІЦКІ расказвае, што з 1999 года мы больш за 60 разоў аказвалі дапамогу іншым дзяржавам. Часцей за ўсё размова ішла пра надзвычайныя сітуацыі прыроднага характару. Але былі і гуманітарныя аперацыі ў краіны, дзе людзі пацярпелі ў выніку ўзброеных канфліктаў, — напрыклад у Сірыю, Эквадор, В'етнам, Украіну.

— Акрамя гэтага, МНС гатова аказваць дапамогу і спецыялістамі, — дадае Віталь Навіцкі. — Нашы супрацоўнікі выляталі ў Сербію, калі там былі моцныя паводкі, у Грузію на ліквідацыю складаных пажараў. Рэспубліканскі атрад спецыяльнага прызначэння МНС Беларусі атэставаны па лініі ААН як атрад цяжкага класа: гэта азначае, што мы здольныя аўтаномна працаваць у любым пункце зямнога шара. Такіх атрадаў не больш за 20 у свеце.

Наталля ЛУБНЕЎСКАЯ

Загаловак у газеце: Прыярытэт — сацыяльным праектам

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.