Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
гма́х — вялікі вышынны будынак;
бабы́ль (адно са значэнняў) — адзінокі, бессямейны чалавек;
летуце́ць — аддавацца марам, марыць;
наканава́ць — загадзя вызначыць, абумовіць што-небудзь;
цыра́та — тканіна, пакрытая з аднаго боку саставам, які робіць яе непрамакальнай;
краха́ль — вадаплаўная птушка сямейства качыных;
клёпкі не хапае — так гавораць пра чалавека неразумнага, з дзівацтвамі (беларусы яшчэ скажуць: мякіна ў галаве, дурны поп хрысціў; рускія: сдвиг по фазе, мозги набекрень);
на ўвесь свет — 1) вельмі моцна, гучна крычаць, лаяцца; 2) перад усімі людзьмі (абняславіць) (беларускія адпаведнікі: благім матам, не сваім голасам; рускія: во всю ивановскую, во всё горло).
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.