Вы тут

У сям'ю Зубель газета «Звязда» прыходзіць некалькі дзесяцігоддзяў


У сям'ю Зубель з вёскі Доўгая Шчучынскага раёна газета «Звязда» прыходзіць некалькі дзесяцігоддзяў. Іосіф Іванавіч і Ганна Уладзіміраўна спынілі выбар на нашым выданні яшчэ да таго, як Беларусь стала незалежнай дзяржавай, і з таго часу «Звязда» стала пастаянным спадарожнікам іх жыцця. Сын Уладзімір расказаў, што яго бацькі — заслужаныя людзі, бацька за актыўную дапамогу ў арганізацыі калгаса ўзнагароджаны ордэнам Працоўнага Чырвонага Сцяга. Маці таксама доўгі час сумленна працавала ў гаспадарцы. Усяго хапала на жыццёвым шляху. Былі складаныя перыяды, калі даводзілася моцна эканоміць, ад нечага адмаўляцца. Але сваю «Звязду» Іосіф Іванавіч і Ганна Уладзіміраўна выпісвалі ўсё роўна. Яна стала нібы членам сям'і, зазначыў сын Уладзімір. Асабліва падабаецца, што газета не страціла свой даўгачасны кірунак, як выходзіла, так і выходзіць на беларускай мове.


Цяпер гэта даволі сталыя людзі. Іосіфу Іванавічу — амаль 90 гадоў, Ганне Уладзіміраўне — 83. А зусім хутка, 1 чэрвеня, у іх слаўны юбілей — 65 гадоў сумеснага жыцця, ці жалезнае вяселле, якое сімвалізуе моцныя адносіны, правераныя гадамі. Сын Уладзімір ад імя дзяцей, унукаў і праўнукаў віншуе дарагіх юбіляраў, жадае моцнага здароўя і доўгіх гадоў жыцця. Калектыў рэдакцыі газеты «Звязда» далучаецца да віншаванняў сямейнай пары. Спадзяёмся і надалей бачыць іх у ліку сваіх надзейных падпісчыкаў.

Маргарыта УШКЕВІЧ

Загаловак у газеце: Разам 65 гадоў, са «Звяздой» — 30...

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.