Вы тут

Абавязковая ўмова для шчасця дзіцяці — магчымасць жыць у сям'і


Сёння — Міжнародны дзень абароны дзяцей, і, акрамя таго, пачынаючы з 2012 года — яшчэ і Сусветны дзень бацькоў. У чым заключаецца абарона нашых дзяцей? Цяпер гэта не проста стварэнне бяспечных умоў для іх і клопат пра здароўе — неабходна таксама даць ім магчымасць мець шчаслівае дзяцінства.


Абавязковая ўмова для шчасця — магчымасць жыць у сям'і. Апошнім часам у нашай краіне ўдзяляецца асаблівая ўвага сямейным формам уладкавання дзяцей, якія засталіся без бацькоўскай апекі, а таксама дзяцей-сірот.

Так, па словах галоўнага спецыяліста ўпраўлення сацыяльнай, выхаваўчай і ідэалагічнай работы Міністэрства адукацыі Алены Сімаковай, 82 % дзяцей-сірот і дзяцей, якія засталіся без апекі бацькоў (гэта 15,7 тысячы), цяпер жывуць у сем'ях. Для гэтага ў Беларусі функцыянуе 283 дзіцячыя дамы сямейнага тыпу. І іх сетка пастаянна расце.

Што датычыцца здароўя і дзіцячай смяротнасці, то яна ў Беларусі адна з самых нізкіх не толькі сярод краін СНД, але і ў Еўропе і Амерыцы. «Мы займаем трэцюю пазіцыю, на тысячу народжаных дзяцей у нас паміраюць у сярэднім тры немаўляці. У той жа Амерыцы — прыкладна 6—7 немаўлят», — кажа галоўны спецыяліст аддзела медыцынскай дапамогі маці і дзецям Міністэрства аховы здароўя Валянціна Ваўчок.

 

Але Дзень абароны дзяцей — яшчэ адна падстава нагадаць нам, дарослым, аб неабходнасці берагчы дзяцей. Напрыклад, за чатыры месяцы гэтага года ў Беларусі ўжо 32 дзіцяці загінулі ад знешніх прычын, і адказнасць за гэта ляжыць на дарослых.

Святлана БУСЬКО

Загаловак у газеце: Галоўнае — сям'я

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.