Шмат песень, танцаў, забаў, конкурсаў, ласункаў і сюрпрызаў прапануе XVІІ Міжнародны фестываль дзіцячай творчасці "Залатая пчолка" ў Клімавічах.
Гэтым разам фестываль сабраў больш за 600 удзельнікаў з Беларусі, Расіі, Балгарыі, Малдовы, Украіны. Большасць — дзеці 9—16 гадоў. Іх чакаюць сур'ёзныя спаборніцтвы на званне лепшых у выкананні народных і эстрадных спеваў і танцаў. Пераможцаў вызначаць у 8 намінацыях у дзвюх узроставых катэгорыях. Бліснуць талентам і юныя мастакі. Для іх прадугледжаны конкурс малюнкаў на асфальце. Як заўсёды, на працягу усіх чатырох фестывальных дзён шмат конкурсаў і забаў, выстаў і майстар-класаў. Візітоўкі прадставяць розныя фэсты, якія праводзяцца на Магілёўшчыне. Пазнаёміцца бліжэй з гасцямі фестывалю дапамогуць іх тэматычныя пляцоўкі. Як заўсёды самымі захапляльнымі падзеямі свята стануць маляўнічае шэсце, узнагароджанне пераможцаў і вялікі гала-канцэрт "Віват, дзяцінства!".
Нэлі ЗІГУЛЯ
Фота з сайта Клімавіцкага райвыканкама
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».