Вы тут

Адбыўся этап рэспубліканскага творчага конкурсу юных чытальнікаў


У Мінску адбыўся чарговы этап рэспубліканскага творчага конкурсу юных чытальнікаў «Жывая класіка: прысвячэнне маёй Радзіме». З розных гарадоў і вёсак прыехалі ў Мінскі абласны інстытут развіцця адукацыі юныя таленты — лепшыя з 1500 выканаўцаў, якія выступалі перад гэтым у сваіх школах.


Уры­вак з апо­вес­ці Ула­дзі­мі­ра Ліп­ска­га «Мая Бе­ла­русь» чы­тае ву­ча­ні­ца Мар­каў­скай ся­рэд­няй шко­лы Ма­ла­дзе­чан­ска­га ра­ё­на Ан­ге­лі­на Вет­ла­ва.

Дэвіз конкурсу — «Чытаем шмат, чытаем разам, ствараем сябе і краіну!». Сэнс гэтых слоў выразна перадавалі выступленні ўдзельнікаў творчага спаборніцтва. Перад строгім журы ў аўдыторыі, запоўненай аднагодкамі, канкурсанты чыталі любімыя вершы, урыўкі з празаічных твораў беларускіх літаратараў розных часоў.

З дапамогай бацькоў і настаўнікаў вучні падрыхтавалі да конкурсу сапраўдныя тэатралізаваныя выступленні. Зразумела, галоўная ўвага была скіраваная на глыбокае пранікненне ў сэнс выбранага твора. Не меншую ролю адыгрываў артыстызм выканання. Журы звяртала ўвагу і на выбар тэксту: конкурсны твор літаратуры павінен адлюстроўваць маральныя каштоўнасці грамадства, спрыяць пашырэнню цікавасці да нацыянальнай літаратуры і культуры.

Не ме­ней стро­гі­мі за жу­ры бы­лі са­мі ўдзель­ні­кі кон­кур­су.

Многія чытальнікі ўзмацнялі ўражанне ад сваіх выступленняў з дапамогай трапна падабранага музычнага фону, традыцыйнага вышыванага адзення, дэкарыравалі сваю часовую «сцэнічную пляцоўку» невялічкімі прадметамі хатняга ўжытку.

Рыхтуючыся да спаборніцтваў, дзятва выбірала творы не толькі прызнаных класікаў (што вынікала з назвы конкурсу), але і паэтаў і празаікаў, якія ўвайшлі ў літаратуру параўнальна нядаўна: творы пра Радзіму, гераічны і працалюбівы народ, пра нашы цудоўныя краявіды, мінулае і будучыню. Мастацкае чытанне ацэньвала кампетэнтнае журы — члены Саюза пісьменнікаў Беларусі, дасведчаныя педагогі, спецыялісты ўстаноў адукацыі. Выступленні лепшых юных чытальнікаў з усіх абласцей можна будзе пачуць у першую нядзелю верасня на свяце Дня беларускага пісьменства.

Яўген ПЯСЕЦКІ, фота аўтара

Загаловак у газеце: Пра нашу Радзіму ў вершах і прозе

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.