Прэм'ер-міністр Беларусі Андрэй Кабякоў заклікаў краіны Садружнасці Незалежных Дзяржаў паскорыць падрыхтоўку пагаднення аб зоне свабоднага гандлю паслугамі. Пра гэта ён заявіў на пасяджэнні Савета кіраўнікоў урадаў СНД у вузкім складзе, што адбылося ў Душанбэ.
«Беларускі бок вітае, што работа ў гэтым напрамку зрушылася з мёртвага пункта, аднак яшчэ нямала трэба будзе зрабіць», — адзначыў Андрэй Кабякоў. Так, прынцыповага вырашэння патрабуе пытанне аб пашырэнні сферы прымянення пагаднення. Неабходна ўрэгуляваць асобныя аспекты ў сувязі з удзелам краін СНД у такіх арганізацыях, як ЕАЭС і СГА. Беларусь ініцыюе распаўсюджванне зоны свабоднага гандлю на галіну электроннай камерцыі. Не менш важная ўніфікацыя правіл і працэдур рэгулявання дзяржаўных закупак, бо на практыцы ёсць праблемы з доступам на рынкі іншых краін.
У рамках Саміту прэм'ер-міністр Беларусі Андрэй Кабякоў і старшыня ўрада Расіі Дзмітрый Мядзведзеў абмеркавалі пытанні двухбаковага супрацоўніцтва, а таксама графік будучых сустрэч.
Вераніка ПУСТАВІТ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
