Вы тут

Раім схадзіць


​Лекцыя аб гарадской велакультуры, праект «Жывая бібліятэка», фестываль гарбаты, бясплатная ёга і кітайскі жывапіс — афіша «Звязды» з 4 па 10 чэрвеня.


Лекцыя аб гарадской велакультуры

Фота Ганны Занкавіч.

Дзе: Imaguru (вул. Фабрыцыуса, 4)

Калі: 4 чэрвеня, 18:30

Колькі каштуе: бясплатна

Праекціроўшчыкі веласіпеднай інфраструктуры Андрэ Пэцінга і Вім Саламонс працуюць у тэме з канца 60-х гадоў, калі сучасны веласіпедны рух Галандыі толькі зараджаўся.

Спецыялісты з Нідэрландаў ужо не першы раз у Мінску.  Андрэ Пэцінга і Вім Саламонс гэтай вясной вывучалі веласіпедную інфраструктуру ў сталіцы Беларусі і гатовыя адказаць на пытанні слухачоў пра тое, якім чынам можна развіваць веларух у нашай краіне, а таксама распавесці аб шматгадовым галандскім вопыце.

Пасля прэзентацыі замежных экспертаў запланавана дыскусія пра тое, як галандскі вопыт можа дапамагчы Беларусі стаць веласіпеднай краінай. У ёй возьмуць удзел члены Мінскага веласіпеднага таварыства Анастасія Янчэўская і Павел Гарбуноў і Яўген Харужы.


Жывая бібліятэка

Фота studlive.by.

Дзе: культурны інкубатар Ok16 (вул. Кастрычніцкая, 16)

Калі: 9 чэрвеня, 13:00

Колькі каштуе: бясплатна

Жывая бiблiятэка — гэта мерапрыемства, дзе ў адной прасторы збіраюцца зусім розныя людзі з асабістымі гісторыямі, незвычайнымі лёсамі, цікавымі ідэямі і свежымі думкамі. Яны гатовыя шчыра расказаць пра сябе, адказаць на пытанні, падзяліцца сваім досведам i паказаць, што кожны з нас індывідуальны і непаўторны.

Жывая бібліятэка дапамагае асэнсаваць і пераасэнсаваць стэрэатыпы грамадства, якія далёка не заўсёды спрашчаюць нам жыццё.

Па жаданні можна прайсці папярэднюю рэгістрацыю. Усе зарэгістраваныя чытачы атрымаюць электронную версію поўнага каталога кніг.


Фестываль гарбаты

Фота decorel.by.

Дзе: "Дрымлэнд" (вул. Арлоўская, 80)

Калі: 9-10 чэрвеня, 12:30

Колькі каштуе: 1 дзень — 7 р.; 2 дні — 12 р.

Першы фестываль гарбаты «9525» пройдзе ў гэтыя выхадныя ў сталічным парку «Дрымлэнд». Чаму менавіта 9525? У назве зашыфравана формула заварвання чорнай гарбаты: 95 градусаў, 2 грамы, 5 хвілін.

Раскрыюць на мерапрыемстве і іншыя сакрэты, звязаныя з духмяным напоем. Госці змогуць прыняць удзел у чайных цырымоніях і майстар-класах, пазнаёміцца ​​з традыцыямі чаявання ў розных краінах. Можна будзе даведацца пра тайскую гарбату, асаблівасці свежых і вытрыманых напояў, правілы варэння пуэра і многае іншае.

Галоўнай падзеяй фестывалю стане IV Нацыянальны чайны чэмпіянат Tea Masters Cup 2018. Сваё майстэрства ў заварванні гарбаты прадэманструюць прафесіяналы і аматары. 

У праграме таксама чакаюцца кірмаш рамеснікаў, музыка, танцы, гульні і забавы, розыгрышы прызоў. Будуць працаваць дзіцячая пляцоўка, фотазона і фудкорт.


Ёга ў Парку Перамогі

Дзе: Парк Перамогі (пр-т Пераможцаў)

Калі: 9 чэрвеня, 10:00

Колькі каштуе: бясплатна

У рамках святкавання Міжнароднага дні ёгі Індыйскі культурны цэнтр запрашае на бясплатныя заняткі. Яны адкрыты для ўсіх, узровень падрыхтоўкі няважны.

Адзенне павінна быць зручным, з сабой трэба ўзяць дыванок і зарэгістравацца.

Сустрэча ў 09:50 каля ўваходу ў парк з боку праспекта Пераможцаў насупраць гасцініцы «Вікторыя».


Выстава «Кітайскі жывапіс ідэй»

Дзе: Нацыянальны мастацкі музей (вул. Леніна, 20)

Калі: па 26 чэрвеня

Колькі каштуе: удакладняць у касе

Калегі з Кітая адабралі 22 твора жывапісу, графікі і скульптуры для таго, каб не толькі прадэманстраваць сваю калекцыю, але і паказаць беларускай публіцы вынікі складанага дыялогу паміж традыцыйным і сучасным мастацтвам Кітая ў XX стагоддзі.


Выстава World Press Photo 2018

Фота Таццяны Ткачовай.

Дзе: культурны цэнтр «КОРПУС» (пр-т Машэрава, 9)

Калі: па 12 чэрвеня, 12:00-21:00

Колькі каштуе: 5 р., для журналістаў уваход бясплатны

На міжнароднай выставе World Press Photo 2018 можна ўбачыць лепшыя сусветныя прэс-фатаграфіі 2017 года. Культурна-адукацыйны цэнтр прывёз выставу ў Мінск ужо ў трэці раз.


Выстава «Мірны час»

Дзе: Музей гісторыі беларускага кіно (вул. Свярдлова, 4)

Калі: па 17 чэрвеня, 10:00-19:00

Колькі каштуе: па квітках у мезей

«Мірнае час» — выстава фотаздымкаў з сямейнага архіва Пятра Таранды, фатографа-аматара з горада Баранавічы.

Гэты ўнікальны ў сваім родзе архіў, які складаецца з больш чым тысячы негатываў і фатаграфій, быў упершыню апублікаваны толькі цяпер, праз 17 гадоў пасля смерці аўтара. У экспазіцыю ўвайшлі 76 фатаграфіі, якія былі створаны ў канцы 50-60-х гадоў мінулага стагоддзя. Гэты перыяд асаблівы для нашай гісторыі: час мірны, у пэўным сэнсе «свецкі», калі савецкі рэжым крыху паслабіў кантроль над прыватным жыццём чалавека. У гісторыі фатаграфіі 50-70-ыя гады можна лічыць пераломнымі. Упершыню фатаграфічныя тэхналогіі сталі даступныя, і людзі захапіліся масавым фатаграфаваннем. Менавіта тады заявіў пра сябе жанр сямейнай і аматарскай фатаграфіі.

Выбар рэдакцыі

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.

Эканоміка

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Пра новаўвядзенні, якія дэпутаты мусяць разгледзець на вясновай сесіі.