Вы тут

Канферэнцыю Групы падтрымкі Шаўковага шляху плануюць правесці ў Мінску


Пра гэта расказаў старшыня Палаты прадстаўнікоў Нацыянальнага сходу Беларусі Уладзімір АНДРЭЙЧАНКА на сустрэчы з міністрам замежных спраў Манголіі, кіраўніком Мангола-Беларускай парламенцкай групы ў Вялікім Дзяржаўным Хурале Манголіі Дамдзіны ЦОГТБААТАРАМ. Уладзімір Андрэйчанка звярнуў увагу, што Група падтрымкі Шаўковага шляху была створана летась падчас 26-й летняй сесіі ПА АБСЕ ў Мінску. У яе ўваходзяць 22 дзяржавы, у тым ліку Манголія. Па планах канферэнцыя адбудзецца ў першай палове 2019-га.


Фота БЕЛТА

Звяртаючыся да двухбаковага супрацоўніцтва старшыня Палаты прадстаўнікоў адзначыў: “Нашы адносіны вельмі блізкімі, цёплымі былі і ў часы Савецкага Саюза. І вельмі добра, што ў апошні час дыялог паміж нашымі дзяржавамі аднавіўся”. На думку Уладзіміра Андрэйчанкі, на сёння тавараабарот паміж Беларуссю і Манголіяй вельмі сціплы (крыху больш за $13 млн). Але дынаміка мінулага года і пачатку 2018-га паказвае рост. Акрамя таго, наладжваецца ўзаемадзеянне паміж міністэрствамі і ведамствамі абедзвюх краін, пашыраецца дагаворна-прававая база. Сур’ёзны рэзерв існуе ў міжпарламенцкім супрацоўніцтве. Беларускія дэпутаты заўсёды адкрытыя да размовы і супрацоўніцтва, звярнуў увагу Уладзімір Андрэйчанка.

Таксама ён нагадаў, што сёлета сесія ПА АБСЕ адбудзецца ў Берліне і рэзалюцыя Беларусі датычыцца пытанняў развіцця лічбавай эканомікі. Яе ўжо падтрымалі 14 дзяржаў такія, як Швейцарыя, Вялікабрытанія, Канада і іншыя. Беларускі бок разлічвае і на падтрымку мангольскіх калег.

Дамдзіны Цогтбаатар падкрэсліў, што абедзве краіны важныя адна для адной як “вокны” ў Еўропу і Азіяцка-Ціхаакеанскі рэгіён. Асабліва гэта датычыцца экспарту Манголіі ў еўрапейскія краіны і Беларусі — у Кітай. Палітычны дыялог таксама дае штуршок для падтрымкі эканамічнага складніка. Мангольская эканоміка пачынае набіраць тэмпы: сёлета ВУП падрос у першым квартале на 6,1 %, знізілася беспрацоўе. Краіна знаходзіцца на другім месцы па тэмпе росту ў Паўночна-Усходняй Азіі пасля Кітая. Усе гэта адбіваецца на двухбаковым эканамічным супрацоўніцтве. Пры гэтым Манголія зацікаўлена, каб і бізнесы дзвюх краін лепш пазналі адзін аднаго.

У панядзелак, 4 чэрвеня Дамдзіны Цогтбаатар таксама сустрэўся з кіраўніком урада Беларусі Андрэем КАБЯКОВЫМ. Прэм’ер-міністр адзначыў: "З улікам увагі, якая ўдзяляецца ўрадамі нашых краін развіццю сельскай гаспадаркі, вялікія перспектывы мае ўзаемадзеянне ў галіне раслінаводства, жывёлагадоўлі, ветэрынарыі. У цяперашні час намі вывучаецца магчымасць рэалізацыі комплекснага праекта па стварэнні беларускім бокам першага ў Манголіі малочнага кластара". Пры гэтым наша краіна можа падзяліцца сучаснымі тэхналогіямі па перапрацоўцы, захоўванні і вытворчасці сельскагаспадарчай прадукцыі. Акрамя супрацоўніцтва ў гэтай галіне, Беларусь зацікаўлена ў нарошчванні паставак пасажырскіх аўтобусаў, камунальнай тэхнікі, абсталявання і тэхналогій. Андрэй Кабякоў прапанаваў асаблівую ўвагу ўдзяліць праектам вытворчай кааперацыі, у тым ліку сумесным прадпрыемствам па выпуску прадукцыі машынабудавання.

Надзея АНІСОВІЧ

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.