Вы тут

Супрацоўніцтву Беларусі і Чэхіі ў hi-tech будуць спрыяць парламентарыі


Супрацоўніцтву Беларусі і Чэхіі ў галіне высокіх тэхналогій будуць спрыяць парламентарыі. Аб гэтым журналістам заявіў старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАХМАНАЎ па выніках сустрэчы з дэлегацыяй Сената парламента Чэшскай Рэспублікі. Сам візіт чэшскіх гасцей будзе доўжыцца да 7 чэрвеня.


Фота: БЕЛТА

Парламентарый адзначыў, што на сустрэчы былі намечаны перспектыўныя кірункі для работы — напрыклад, фармацэўтыка, таксама бакі звярнулі ўвагу на развіццё адносін у галіне высокіх тэхналогій, паколькі гэта ключавое пытанне для абедзвюх краін.

"Мы вельмі дэталёва абмеркавалі ўсе пытанні, дамовіліся працаваць у пастаянным фармаце — гаворка не абмяжуецца толькі сённяшнімі кантактамі, — падкрэсліў беларускі парламентарый. — Безумоўна, мы будзем працаваць на ўмацаванне нашых узаемаадносін ва ўсіх сферах, уключаючы і палітыку, і эканоміку, будзем разглядаць гэта з пазіцыі нацыянальных інтарэсаў нашых краін, а таксама з улікам саюзаў, з якімі мы маем справу — ЕАЭС і ЕС".

Па словах сенатара, Беларусь і Чэхія будуць знаходзіць такія формы ўзаемадзеяння, якія дадуць магчымасць забяспечыць збліжэнне пазіцый не толькі нашых краін, але і тых саюзаў, у якіх удзельнічаюць абедзве дзяржавы. Ён таксама дадаў, што паколькі ў нашу краіну прыбылі высокапрафесійныя парламентарыі, якія займаюць высокія пазіцыі ў чэшскім парламенце, беларускі бок спадзяецца на пазітыўныя вынікі. "Мы пастараемся не ўпусціць новыя магчымасці для таго, каб надаць дынаміцы незваротны характар", — дадаў Сяргей Рахманаў.

"Трэба сказаць, што мы зноў пачынаем работу ў галіне парламенцкіх узаемаадносін. Можа быць, мы пачынаем яе пасля некаторага даволі доўгага перапынку, але мы стараемся прадоўжыць тое, што ўжо было зроблена ў палітычнай галіне, — расказаў журналістам Францішак БУБЛАН, кіраўнік дэлегацыі і старшыня камітэта па замежных справах, абароне і бяспецы Сената парламента Чэшскай Рэспублікі. — Мы стараемся таксама актывізаваць эканамічную сферу, падтрымаць тыя праекты, якія ўжо працуюць — сумесныя чэшска-беларускія прадпрыемствы. Таксама хочам заахвоціць культурны абмен, можа быць, абмен студэнтамі, таму што мы б не хацелі, каб усё абмежавалася толькі палітычнымі кантактамі, але і каб закранула грамадства ў цэлым".

Уладзіслаў ЛУКАШЭВІЧ

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.