16 Жнівень, чацвер

Вы тут

Пяць валанцёрскіх праектаў будзе рэалізавана ў БДУ


Усе ініцыятывы сталі вынікам навучання студэнтаў універсітэта ў “Школе валанцёрства”. На працягу пяці тыдняў яны слухалі курс лекцый прадстаўнікоў вядучых валанцёрскіх арганізацый, праходзілі трэнінгі па аратарскім майстэрстве ад вядучых тэлеканалаў “АНТ” і “БелМузТБ”, наведвалі майстар-класы, далучаліся да розных валанцёрскіх акцый. На завяршальным этапе студэнты падзяліліся на каманды для распрацоўкі і рэалізацыі ўласных праектных работ.


 Ужо ў верасні гэтага года распачнецца праект “Ціхі тэатр”. Валанцёры БДУ будуць вывучаць мову жэстаў, а таксама супрацоўнічаць з рознымі цэнтрамі, якія падтрымліваюць людзей з парушэннем слыху. Вынікам павінна стаць прэм'ера навагодняга спектакля. Яго асноўнымі гледачамі стануць глуханямыя дзеці і дарослыя, а ў ролі акцёраў выступяць студэнты БДУ.

Яшчэ адзін праект, які стартуе ў верасні, — “Правілы тваёй кухні”. На працягу месяца студэнты-валанцёры будуць навучаць выхаванцаў дзіцячых дамоў кулінарным навыкам, што дапаможа падрыхтаваць іх да самастойнага жыцця. А праект “Востраў” разгорнецца ў сталічных сацыяльных установах, дзе валанцёры збіраюцца арганізоўваць займальныя гульні і квэсты для дзяцей.

Для таго, каб аказаць арганізацыйную і кансультатыўную дапамогу замежным студэнтам, у БДУ плануецца рэалізаваць ініцыятыву "Inside us” (“Унутры нас”). Валанцёры арганізуюць  забаўляльныя, пазнавальныя і навучальныя мерапрыемствы, якія дапамогуць студэнтам-замежнікам адчуць сябе часткай агульнага ўніверсітэцкага жыцця.

На папулярызацыю валанцёрcтва скіраваны праект —  “VolunteerFestBSU” ( “Фестываль валанцёраў БДУ"). Падчас фестывалю будуць створаны некалькі зон актыўнасці: па рабоце з сацыяльна неабароненымі групамі насельніцтва, аказанні дапамогі жывёлам, абароне навакольнага асяроддзя і іншыя.

Зараз на пастаяннай аснове ў БДУ дзейнічае дзевяць валанцёрскіх аб'яднанняў. Далучыцца да іх дзейнасці могуць як студэнты, так і ўсе супрацоўнікі ўніверсітэта.

Надзея НІКАЛАЕВА

Дадаць каментар

Выбар рэдакцыі

Грамадства

Вынікі на ЦТ ацэньваліся па дзвюх методыках

Вынікі на ЦТ ацэньваліся па дзвюх методыках

Але сертыфікаты абітурыенты атрымалі з баламі па ранейшай сістэме падлікаў.

Грамадства

Дызайнерка з Оршы зладзіла вяселле з беларускім каларытам

Дызайнерка з Оршы зладзіла вяселле з беларускім каларытам

Ідэя зладзіць свята ў беларускім стылі належыць яе выбранніку Аляксею Валадзько.

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі.