Вы тут

Ва ўрадзе упэўнены, што беларускія прадпрыемствы канкурэнтаздольныя


У краіне створаны ўмовы кантролю якасці, якія дазваляюць экспартаваць абсалютна якасную па ўсіх параметрах прадукцыю. Пра гэта паведаміў намеснік прэм'ер-міністра Уладзімір Сямашка падчас цырымоніі ўзнагароджвання пераможцаў конкурсу на саісканне прэміі ўрада Беларусі за дасягненні ў галіне якасці. Паводле яго слоў, гэта дазваляе гарантаваць выпуск бяспечнай прадукцыі, якая адпавядае патрабаванням замежнага спажыўца.


«Аднак сітуацыя няпростая. Часам узнікаюць невялікія канфлікты пры пастаўцы мяса-малочнай прадукцыі на стабільныя для нас рынкі. Але мы пастаянна даказваем якасць нашай прадукцыі і пры гэтым кожны раз робім правільныя высновы», — адзначыў Уладзімір Сямашка.

У сваю чаргу старшыня Дзяржаўнага камітэта па стандартызацыі Віктар Назаранка падкрэсліў, што Беларусь у рамках усіх інтэграцыйных утварэнняў больш за іншыя краіны гатова да адкрытай канкурэнцыі.

«І калі нам нехта з нашых партнёраў навязвае нездаровую канкурэнтную барацьбу, выкарыстоўваючы розныя метады, каб не пусціць нашу прадукцыю на свой рынак, мы лічым, што гэта заслугоўвае вельмі сур'ёзнага абмеркавання на высокім узроўні», — сказаў Віктар Назаранка.

Ён таксама заявіў пра гатоўнасць прад'явіць айчынныя сістэмы тэхнічнага рэгулявання, прадэманстраваць сістэмы акрэдытацыі, кампетэнтнасць лабараторый і прадпрыемстваў.

«Нашым партнёрам мы таксама прапануем дэманстраваць свае падобныя кірункі і тады можна будзе абмяркоўваць, хто з нас мае рацыю, а хто не.

Сёння для нашых прадпрыемстваў адкрытая канкурэнцыя не страшная», — рэзюмаваў Віктар Назаранка.

Ілья КРЫЖЭВІЧ

Загаловак у газеце: Гатовыя цывілізавана даказаць сваю правату

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.