Вы тут

Валанцёры гатовы прапаноўваць ініцыятывы


Такую думку выказала Генеральны сакратар Беларускага таварыства Чырвонага Крыжа Вольга МЫЧКО. «Сёння каля 70 працэнтаў нашых добраахвотных памочнікаў складае моладзь. І гэта вельмі дзівіць замежных калег, — расказала яна падчас прэс-канферэнцыі. — У Даніі, напрыклад, валанцёрамі часцей за ўсё становяцца пажылыя людзі. Фрау, якія не абцяжараны клопатам пра ўласных унукаў (што нетыпова для нашых бабуль і дзядуляў) з ахвотай займаюцца чужымі дзецьмі. У Беларусі ж самымі актыўнымі застаюцца маладыя людзі».


Пры гэтым неабавязкова іх дапамога ўключае тую самую «шклянку вады для старога». Некаторыя памочнікі забяспечваюць інфармацыйны фон, іншыя працуюць з фатаграфіямі, а камусьці лягчэй сыходзіцца з людзьмі, удзельнічаць у флэшмобах і масавых мерапрыемствах ад таварыства.

Як прыклад, можна ўспомніць суполку мінскіх студэнтаў, што звярнуліся ў аддзел Чырвонага Крыжа з прапановай смехатэрапіі ў бальніцах. Каманда Smіlе Rаngеrs (так яны называюць самі сябе) займаецца з дзецьмі, якія праходзяць доўгатэрміновае лячэнне ў бальніцах, карэкцыйных цэнтрах, жывуць у дзіцячых прытулках.

— Мы не даём дапамогу і не прымушаем да добрых спраў «з-пад палкі». Таварыства аказвае падтрымку сацыяльна ўразлівым слаям насельніцтва, наколькі дазваляюць магчымасці. Аднак пляцоўка для добрых спраў велізарная, і таму задача Чырвонага Крыжа — паказаць, дзе магчымасці кожнага ўдзельніка прынясуць найбольшую карысць, — тлумачыць Вольга Мычко.

Апошнім часам цягу да сацыяльнай актыўнасці выказваюць не толькі студэнты, але і людзі 30—40 гадоў, прычым іх дзейнасць шыроканакіраваная. Яны ўступаюць у каманды па пошуку людзей, удзельнічаюць у мерапрыемствах па рэагаванні на надзвычайныя сітуацыі, вядуць уласныя праекты...

Пра пратэкцыі Чырвонага Крыжа чалавек зможа данесці і рэалізаваць ідэю. Усяго ў краіне задзейнічана больш за 140 мясцовых ініцыятыў, не лічачы міжнародных праектаў. Адначасова таварыства з'яўляецца псіхалагічным і матывацыйным «фільтрам» для новых удзельнікаў. Спецыялісты ацэньваюць карысць ініцыятывы і яе ўстойлівасць, а таксама асаблівасці псіхалагічнага стану чалавека, які мусіць працаваць з іншымі людзьмі.

Рагнеда ЮРГЕЛЬ

Загаловак у газеце: Не толькі шклянка вады

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».