Вы тут

У Мінску адкрылася фотавыстава Non-fashion


Сёмага чэрвеня ў Нацыянальным цэнтры сучасных мастацтваў прайшло адкрыццё Міжнароднага праекта NON-FASHION / фатаграфія, відэа, аб'екты, перформанс. Куратар выставы – Дзіна Даніловіч.


Сярод удзельнікаў праекта мастакі, фатографы з Беларусі, Чэхіі, Вялікабрытаніі, Латвіі, Нідэрландаў. Таксама ў межах выставы можна ўбачыць куратарскую працу Уладзіміра Парфянка – фатаграфіі Петрыка Таранды з архіва Мікалая Таранды «Баранавіцкія моды. 1950-ыя».

Арганізатарамі і партнёрамі выступілі Нацыянальны цэнтр сучасных мастацтваў Рэспублікі Беларусь, Пасольства Чэшскай Рэспублікі ў Рэспубліцы Беларусь, Polansky gallery.

Выстава Non-fashion падтрымлівае ідэю пра тое, што мода – гэта адно з праяўленняў чалавечай натуры з усімі яе супярэчлівымі рысамі: цікаўнасцю, цягай да самавыяўлення, патрэбай падтрымліваць традыцыі, запалам да ўсяго новага і пратэсту супраць існуючага, і галоўнае - натуральным імкненнем да развіцця і ўнутранай свабоды".

Праекты, з якіх складаецца выстава Non-fashion, не з'яўляюцца маніфестам супраціўлення модзе як культурнаму феномену. Хутчэй яны супрацьстаяць паўсядзённяму погляду на моду, як на фабрыку ілюзій, якая дыктуе, вырабляе і шматразова тыражуе штучныя выявы паспяховага, «прыгожага» жыцця. Яны прапануюць перайсці ад вузкага разумення функцыі моды як візуалізацыі сацыяльнага статусу да шырэйшага погляду на яе.

Таццяна ТКАЧОВА

Фота аўтара

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.