Вы тут

Песні Манюшкі «для хатняга ўжытку» прагучаць у Вялікім тэатры


Хоць беларуска-польскі кампазітар Станіслаў Манюшка і вядомы сваімі вялікімі формамі — операмі «Галька», «Вербум нобіле», «Графіня», балетамі «Хітрыкі сатаны», «Монтэ-Крыста» і іншымі, ёсць у яго творчасці і больш «простая», але вельмі асабістая частка. Яе можна будзе пачуць на адмысловым канцэрце ў Вялікім тэатры опера і балета, якім распачнецца серыя мерапрыемстваў да юбілею кампазітара.


Гэтай асабістай часткай з'яўляецца збор «Хатні спеўнік», што ўключае ў сябе некалькі соцень песен для хатняга ўжытку, якія Манюшка пісаў на вершы вядомых паэтаў, сярод якіх Адам Міцкевіч, Ян Чачот, Ян Каханоўскі і іншыя. Найбольш характэрныя кампазіцыі выбраныя для канцэрта «Жыццё ў песні. Старонкі «Хатняга спеўніка» Станіслава Манюшкі», які адбудзецца ўжо 12 чэрвеня, на наступным тыдні, у Камернай зале Вялікага тэатра. Ён стане першым канцэртам, прысвечаным 200-годдзю з дня нараджэння Станіслава Манюшкі, што будзе адзначацца 5 мая 2019 года.

Выканаўцамі на «Жыцці ў песні» стануць салісты тэатра — лаўрэаты міжнародных конкурсаў Ірына Кучынская і Ілья Сільчукоў, а таксама ансамбль салістаў «Вытокі» пад кіраўніцтвам дырыжора Аляксея Фралова.

Мелодыі з «Хатняга спеўніка» адпавядаюць розным настроям і жыццёвым сітуацыям — гэтую разнастайнасць, як і знакі асабістага жыцця кампазітара, можна будзе спазнаць у Камернай зале Вялікага.

Канцэрт арганізаваны пры падтрымцы Польскага Інстытута ў Мінску.

Сафія ПАЛЯНСКАЯ

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.