Вы тут

Кітай на 95% забяспечвае сябе насеннем


Рыс, пшаніца, соя і рапс – толькі айчынных сартоў.


Кітай здолеў у апошнія гады істотна ўмацаваць патэнцыял забеспячэння сельгасвытворцаў айчынным насеннем. На дадзены момант доля пасяўных плошчаў з айчыннымі сартамі сельгаскультур перавысіла 95 працэнтаў, паведамілі ў Міністэрстве сельскай гаспадаркі і сельскіх спраў, перадае “Жэньмінь жыбаа” анлайн”

Намеснік кіраўніка міністэрства Юй Сіньжун распавёў, што фарміраванне трох буйных, дзяржаўнага значэння, селекцыйна-насенняводчых баз у правінцыях Хайнань, Ганьсу і Сычуань, развіццё групы баз рэгіянальнага ўзроўню зрабіла магчымым істотнае павышэнне магчымасцяў айчыннай селекцыі. Кітайскія аграрыі цалкам перайшлі на айчынныя сарты такіх сельгаскультур, як рыс, пшаніца, соя і рапс, доля айчынных сартоў кукурузы ўзрасла з 85 да больш за 90 працэнтаў. Пры гэтым доля айчынных сартоў гародніны застаецца на адзнацы ніжэй 87 працэнтаў, адзначыў намеснік міністра. Прыкметна павышаецца канкурэнтаздольнасць кітайскіх насенняводчых прадпрыемстваў і растуць інвестыцыі ў даследаванні і распрацоўкі з іх боку. 

Цяпер 50 найбуйнейшых кампаній, якія ўтварыліся ў выніку зліцця і паглынання, займаюць не менш за 35 працэнтаў рынку - на 5 працэнтных пунктаў вышэй, чым пяць гадоў таму, сярод іх нямала кампаній з гадавымі аб'ёмамі продажаў ад 1 да 3 млрд юаняў. За пяць гадоў падвоілася колькасць заявак, якія кампаніі падаюць на ахову новых гатункаў культур. На наступным этапе Міністэрства сельскай гаспадаркі і сельскіх спраў, заявіў Юй Синьжун, будзе накіроўваць актыўныя намаганні на прасоўванне "навукова-тэхнічнай і “зялёнай” рэвалюцыі, рэформ па пытаннях якасці, карпаратыўнай дзейнасці і кіравання" ў мэтах хутчэйшага фарміравання сучаснай сістэмы насенняводства, якая адпавядае патрабаванням высакаякаснага развіцця аграрнага сектара краіны.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.