16 Жнівень, чацвер

Вы тут

У Віцебску вызначаць самых спартыўных лесаводаў


Рэспубліканская спартакіяда работнікаў лясной гаспадаркі пройдзе з 15 па 17 чэрвеня ў Віцебску. Яе арганізатарамі выступяць міністэрствы лясной гаспадаркі, спорту і турызму, Беларускі прафесійны саюз работнікаў лесу і прыродакарыстання.


У спартакіядзе прымуць удзел больш за 200 чалавек. Гэта зборныя каманды дзяржаўных вытворчых лесагаспадарчых аб'яднанняў, зборная каманда Мінска з ліку падпарадкаваных арганізацый Міністэрства лясной гаспадаркі, паведамілі ў прэс-службе ведамства.

У праграме спаборніцтваў — сем дысцыплін: міні-футбол, валейбол, стральба з лука па аб’ёмных постацях жывёл (3-D стральба), настольны тэніс, лёгкаатлетычны крос, гіравы спорт, плаванне. Пераможцаў спартакіяды чакаюць дыпломы і прызы ад арганізатараў мерапрыемства.

Раней ужо адбыліся спаборніцтвы ў працоўных калектывах арганізацый, у клубах фізічнай культуры і спорту галіны, а таксама абласныя галіновыя спартакіяды.

Сярод асноўных задач рэспубліканскай спартакіяды — далучэнне працаўнікоў да здаровага ладу жыцця, арганізацыя актыўнага адпачынку работнікаў галіны і членаў іх сем'яў, абмен вопытам работы ў галіне фізічнай культуры і масавага спорту, захаванне спартыўных традыцый.

Сяргей РАСОЛЬКА

Дадаць каментар

Выбар рэдакцыі

Грамадства

Вынікі на ЦТ ацэньваліся па дзвюх методыках

Вынікі на ЦТ ацэньваліся па дзвюх методыках

Але сертыфікаты абітурыенты атрымалі з баламі па ранейшай сістэме падлікаў.

Грамадства

Дызайнерка з Оршы зладзіла вяселле з беларускім каларытам

Дызайнерка з Оршы зладзіла вяселле з беларускім каларытам

Ідэя зладзіць свята ў беларускім стылі належыць яе выбранніку Аляксею Валадзько.

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі.