Майстар-класы па ганчарным рамястве пройдуць на тэрыторыі Гомельскага палацава-паркавага ансамбля, паведамілі ў дзяржаўнай гісторыка-культурнай установе.
Імправізаваная ганчарная майстэрня пад адкрытым небам разгорнецца ў цэнтральнай частцы парку. У чэрвені заняткі будуць праходзіць пры добрым надвор'і па чацвяргах, пятніцах, суботах. Пачынацца яны будуць апоўдні.
Сваімі ўменнямі з усімі жадаючымі падзеліцца вядомы гомельскі майстар-кераміст Павел Гвоздзеў. "Кожны вучань зможа патрымаць у руках "жывую" гліну, папрацаваць на ганчарным крузе, вырабіць уласнымі рукамі сувенір і забраць яго з сабой на памяць пра наведванне Гомельскага палацава-паркавага ансамбля", - адзначылі ў установе.
Калі попыт на навучанне асновам ганчарнай справы будзе вялікі, заняткі працягнуць да канца лета.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.