Узрост паўналецця ў Японіі знізяць з 20 да 18 гадоў

У Японіі знізяць узрост паўналецця з 20 гадоў да 18. Адпаведны законапраект зацвердзіў парламент гэтай краіны.

Закон пачне дзейнічаць ў 2022 фінансавым годзе (ён пачнецца 1 красавіка).

Праект гэтага закона падтрымалі 169 з 238 дэпутатаў верхняй палаты парламента.

Гэта азначае, што японцы змогуць браць шлюб без адабрэння і паручыцельства сваіх бацькоў з 18 гадоў.

Пакуль жа мясцовае заканадаўства дазваляе заключаць шлюб тым японцам, хто не дасягнуў 20 гадоў, толькі са згоды бацькоў. Акрамя таго, пасля ўступлення ў сілу закона японцы з 18 гадоў змогуць асабіста афармляць крэдытныя карты, атрымліваць пасведчанні на права кіравання марскім або паветраным суднам і нават падаваць у суд заяву аб змене грамадзянскага полу. 

Аднак ўжываць спіртное, курыць або гуляць у азартныя гульні японцам усё адно можна будзе толькі з 20 гадоў.

ont.by