Вы тут

Пайшоў з жыцця вядомы беларускі анколаг Іосіф Залуцкі


Учора пайшоў з жыцця вядомы урач-анколаг, які прапрацаваў у гэтай сферы некалькі дзясяткаў гадоў і да 2009 года ўзначальваў РНПЦ анкалогіі і медыцынскай радыялогіі ім. М.М.Аляксандрава Іосіф Залуцкі. Яму было 67 гадоў.


Фота: gazeta-navuka.by

Апошнія гады Іосіф Віктаравіч пакутаваў ад анкалагічнага захворвання.

Іосіф Залуцкі нарадзіўся ў вёсцы Мумішкі Пастаўскага раёна Віцебскай вобласці. Вучыўся ў медыцынскім вучылішчы ў Маладзечне і ў медыцынскім інстытуце ў Мінску. Працаваў клінічным ардынатарам, урачом-радыёлагам радыялагічнага аддзялення НДІ анкалогіі і медыцынскай радыялогіі (цяперашні РНПЦ анкалогіі і медыцынскай радыялогіі ім. М. М. Аляксандрава). Пасля аспірантуры працаваў у лабараторыі гіпертэрміі і клінічнай тэрапіі, аддзяленні рэабілітацыі і брахітэрапіі, аддзяленні агульнай анкалогіі і пластычнай хірургіі гэтага ж даследчага інстытута.

У 2000 годзе яму далі званне прафесара і ў гэты ж час ён узначаліў РНПЦ.

З 2001 года ён быў галоўным пазаштатным анколагам Міністэрства аховы здароўя, а з 2010 года намеснікам акадэміка-сакратара аддзялення медыцынскіх навук Нацыянальнай акадэміі навук Беларусі, дырэктарам Інстытута фізіялогіі Нацыянальнай акадэміі навук.

Іосіф Віктаравіч быў вядомы як высокапрафесійны спецыяліст у галіне анкалогіі апорна-рухальнага апарата, галавы, шыі, рэканструктыўна-аднаўленчай хірургіі.

Ён аўтар больш 445 навуковых і навукова-метадычных работ, дзесяці манаграфій, уладальнік 28 патэнтаў.

Развітанне з Іосіфам Віктаравічам пройдзе заўтра, 15 чэрвеня, з 11.00 да 13.00 у БелМАПА па адрасе: вуліца Петруся Броўкі, 3.

tut.by

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».