Вы тут

Раім схадзіць


Выстава «Лагер смерці Трасцянец. Гісторыя і памяць», міжнародная акцыя «Свята музыкі», Купалле ў Доме Ваніковічаў і фестываль «Купальскае кола» — афіша «Звязды» з 18 па 24 чэрвеня.


Малы Трасцянец: выстаўка-хроніка маштабнага злачынства

Дзе: Нацыянальная бібліятэка Беларусі (пр-т Незалежнасці, 116)

Калі: па 31 студзеня 2019 г.

Колькі каштуе: удакладняць у касе

7 чэрвеня ў Нацыянальнай бібліятэцы Беларусі адкрылася інфармацыйна-дакументальная выстаўка «Лагер смерці Трасцянец. Гісторыя і памяць».

Беларуска-нямецкі праект заклікае аддаць даніну памяці ахвярам Трасцянца і адначасова адлюстроўвае, якім чынам і дзе ў Беларусі, Германіі, Аўстрыі і Чэхіі захоўваецца памяць аб загінуўшых. Разам з гэтым ён распавядае аб месцах масавага знішчэння і тых, хто здзяйсняў зверства. 

Экспазіцыя складаецца з 18 раздзелаў, асобныя з якіх прысвечаны ўрочышчу Благаўшчына, дзе адбываліся масавыя растрэлы, «Аперацыі 1005», забойству ў Шашкоўцы, дзе была пабудавана печ для знішчэння людзей. Асноўная ўвага нададзена біяграфічным партрэтам ахвяр Трасцянца.


Паказ дакументальных фільмаў у рамках выставачнага праекта NON-FASHION

Дзе: НЦСМ (вул. Някрасава, 3)

Калі: 20 чэрвеня, 19:00

Колькі каштуе: удакладняць у касе

20 чэрвеня гледачам будзе паказаны фільм «Баль Інстытута касцюма Met Gala» (ЗША, 2016).


Міжнародная акцыя «Свята музыкі»

Дзе: Нацыянальны гістарычны музей (вул. К. Маркса, 12)

Калі: 21 чэрвеня, 18:00

Колькі каштуе: удакладняць у касе

21 чэрвеня а 18-й гадзіне ў дворыку Нацыянальнага гістарычнага музея адбудзецца міжнародная акцыя «Свята музыкі». Падзея арганізавана па ініцыятыве Пасольства Францыі ў Рэспубліцы Беларусь пры падтрымцы Міністэрства культуры Рэспублікі Беларусь. 

«Свята музыкі» — штогадовая падзея, якая носіць сацыяльны характар. Яна праходзіць ва ўсім свеце 21 чэрвеня і прымеркавана да Дня летняга сонцастаяння. 

21 чэрвеня музей парадуе наведвальнікаў магчымасцю не толькі пазнаёміцца ​​з яго экспазіцыямі, але і пачуць гукі музыкі ў філіялах і шматлікіх залах. Апагеем дня стане канцэрт у дворыку галоўнага будынка. Так, з 18:00 да 23:00 перад гасцямі свята выступяць: Аня Жданава, Malanka Orchestra, Re1ikt, Nizkiz.

Будзе арганізавана фуд-зона, пройдзе маркет вырабаў ручной працы.


Купалле ў Доме Ваніковічаў

Дзе: Дом Ваньковічаў (вул. Інтэрнацыянальная, 33а)

Калі: 23 чэрвеня, 18:00

Колькі каштуе: 15 р. — дарослы + дзіця 

Самыя маленькія гледачы змогуць у гэты вечар пазнаёміцца з героямі беларускай міфалогіі і купальскімі традыцыямі.

Акрамя таго, усе госці будуць спяваць, танчыць, гуляць і, канешне ж, шукаць чароўную кветку шчасця, што квітнее толькі адну ноч. Вас чакаюць смачныя падарункі і шмат прыгожых фотаздымкаў.

Свята пачнецца ў зале музея Ваньковічаў з музычнага канцэрту, а працягнецца на вольным паветры.


Міжнародны фестываль «Купальскае кола»

Фота travelcalendar.ru.

Дзе: «Дрымлэнд» (вул. Арлоўская, 80)

Калі: 22 чэрвеня, 15:00 і 23 чэрвеня, 12:00

Колькі каштуе: ад 22.50 р.; дзецям да 16 год — уваход бясплатны 

«Купальскае кола» — адзін з тых фестываляў, якія насамрэч ведае і чакае кожны прыхільнік роднай культуры.

Фестываль прысвечаны старадаўняму народнаму святу — Купаллю, прымеркаванаму да дня летняга сонцастаяння, калі дасягаюць найвышэйшага росквіту жыватворчыя сілы зямлі.

У гэтым годзе «Купальскае кола» пройдзе ўжо дзясяты раз. На сцэне фестываля для гасцей выступяць каля 25-ці гуртоў: «Мастер» (Расія), PANYCHIDA (Чэхія), Varang Nord (Латвія), Tornado (Беларусь), «Крамбамбуля» (Беларусь), Aillion (Беларусь), Gods Tower (Беларусь), Znich (Беларусь) і многія іншыя. 

Для наведвальнікаў, якія пажадаюць застацца на фестывалі на два дні, прапануецца палатачны летнiк.


Велашкола ў парку Янкі Купалы

Дзе: парк Янкі Купалы 

Калі: па 31 жніўня (кожную сераду, чацвер і пятніцу), 18:00

Колькі каштуе: бясплатна

Каманда Мінскага веласіпеднага таварыства аднавіла рэгулярныя заняткі ў велашколе для дарослых. Навучанне праходзіць па серадах, чацвяргах і пятніцах у парку імя Янкі Купалы побач з фантанамі з 18:00 да 20:00. Урокі бясплатныя, але неабходна зарэгістравацца.

Велашкола працуе ўжо 5-ы сезон. Заняткі вядуць інструктары-валанцёры. Прыязджаць у парк можна без уласнага ровара. Як правіла, для таго каб навучыцца ўпэўнена перасоўвацца на двухколавым транспарце, неабходна 3-5 заняткаў.

У 2017 годзе ў велашколе прайшлі навучанне больш за 100 вучняў і вучаніц узростам ад 9 да 83 гадоў.


Выстава «Кітайскі жывапіс ідэй»

Дзе: Нацыянальны мастацкі музей (вул. Леніна, 20)

Калі: па 26 чэрвеня

Колькі каштуе: удакладняць у касе

Калегі з Кітая адабралі 22 твора жывапісу, графікі і скульптуры для таго, каб не толькі прадэманстраваць сваю калекцыю, але і паказаць беларускай публіцы вынікі складанага дыялогу паміж традыцыйным і сучасным мастацтвам Кітая ў XX стагоддзі.

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.