Намеснік старшыні Палаты прадстаўнікоў Нацыянальнага сходу Беларусі Баляслаў Пірштук сустрэўся з дзяржаўным сакратаром Міністэрства замежных спраў Румыніі Дэнуцам Себасціянам Некулэеску. У наступным годзе Румынія стане дзяржавай — старшынёй Савета Еўрасаюза. І дзяржсакратар запэўніў, што ў гэты час краіна будзе ўдзяляць вялікую ўвагу супрацоўніцтву з усходнімі партнёрамі.
На думку Баляслава Пірштука, патэнцыял ва ўзаемадзеяння вялікі. Добрыя адносіны з калегамі з румынскага парламента складваюцца і падчас працы на міжнародных пляцоўках. Баляслаў Пірштук нагадаў, што Беларусь рыхтуе рэзалюцыю па лічбавай эканоміцы да чарговай сесіі Парламенцкай асамблеі АБСЕ ў Берліне. А таксама ўдакладніў, што канферэнцыю Групы падтрымкі Шаўковага шляху, у якую ўваходзяць абедзве краіны, плануецца правесці ў маі наступнага года ў Мінску.
Тым не менш, на думку парламентарыя, тавараабарот у $150 млн — гэта крыху сціпла для нашых магчымасцяў. Можна было б паставіць перад сабой задачу яго падвоіць, тым больш што ЕАЭС стварае добрую пляцоўку для прасоўвання бізнесу.
Надзея АНІСОВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
