Як выжыць на адзін фунт у дзень?

Жыхарка Вялiкабрытанii тыдзень выдаткоўвала на ежу штодзень па фунце стэрлiнгаў (прыкладна 2,8 рубля). Вынiкi эксперымента апiсвае The Sun.

На сняданак Кэцi Цiмс ела аўсянку на вадзе, дадаючы туды трохi варэння, каб падсаладзiць страву або два тосты з варэннем i грушай. Абедала дзяўчына супам з пакета з хлебам цi тостамi, а вячэрала макаронамi з таматнай пастай i курынай катлетай «з нiзкай колькасцю мяса» i бульбай. Дзяўчына выканала ўмовы эксперымента, аднак паскардзiлася, што ён даўся ёй няпроста. «У першую ранiцу я прачнулася з жаданнем паспытаць вараных яек, але замест гэтага давялося есцi аўсянку з камякамi», — казала яна. Аднак, паводле слоў Цiмс, складаней за ўсё ёй далася вячэра, таму што яна прывыкла да мясных страў.

Дзяўчына вырашыла правесцi эксперымент пасля таго, як даведалася, што сярэднi брытанец трацiць 81 фунт (прыкладна 227 рублёў) на ежу штотыдзень. Цiмс адзначыла, эксперымент дазволiў усвядомiць, што «iмпульсiўна купляць ежу, а не гатаваць стравы загадзя — гэта раскоша», а выжыць пры харчаваннi на адзін фунт у дзень — «складана, але можна».