Вы тут

Навіны Белпошты


Дзень падпісчыка

Супрацоўніца аддзела падпіскі і маркетынгу РВУ «Выдавецкі дом «Звязда» Юлія Кавалёва.

Дзень падпісчыка прайшоў учора на мінскім Галоў-паштамце. Прадстаўнікі газет правялі прэзентацыі сваіх выданняў, расказалі пра новыя праекты.


Высокая пазіцыя

Сусветны паштовы саюз абнародаваў параўнальны інтэграваны індэкс паштовага развіцця. Са 173 паштовых аператараў краін свету, якія ўвайшлі ў рэйтынг, «Белпошта» заняла 32-е месца!

Рэйтынг складаўся з улікам чатырох крытэрыяў. Гэта ахоп, надзейнасць, рэлевантнасць і ўстойлівасць.

Тройка найлепшых паштовых службаў працуе ў Швейцарыі, Нідэрландах і Японіі. Эксперты Сусветнага паштовага саюза прызнаюць, што гэтыя тры краіны здолелі выбудаваць усёахопную сетку, якая выклікае найбольшы давер і ўвесь час імкнецца развіваць новыя тэхналогіі.

Суседзямі ж Беларусі па рэйтынгу сталі Харватыя і Украіна, якія размясціліся на 31-й і 33-й пазіцыях адпаведна.

Сярод былых савецкіх рэспублік перасягнуць нашу краіну ў рэйтынгу здолелі толькі тры. Гэта Эстонія (13-е месца), Літва (22-е) і Малдова (27-е). З астатніх геаграфічных суседзяў Беларусі больш высокі рэйтынг работы паштовага аператара прысвоены Польшчы (6-е месца). А вось службы Расіі і Латвіі паказалі горшы вынік — 37-е і 43-е месцы адпаведна.


Прымераць абноўку... на пошце

Заказ абутку і вопраткі праз інтэрнэт-крамы набірае папулярнасць. На карысць пакупнікоў іграе вельмі багаты асартымент, ніжэйшы кошт і магчымасць не марнаваць час, ездзячы па звычайных магазінах. Зрэшты, ёсць тут і адзін мінус. Абутак і вопратку трэба прымяраць перад купляй — хто ведае, можа, чаравікі будуць звальвацца з ног або, наадварот, крыху ціснуць. У звычайнай краме праблема вырашаецца проста — паставіў рэч на паліцу і ўзяў іншую.

Ад чэрвеня «Белпошта» запускае новую паслугу па прымерцы і частковым выкупе тавару, заказанага ў інтэрнэт-крамах. Калі нейкая абноўка не падыдзе, то яе можна будзе аформіць на вяртанне прадаўцу адразу на месцы. Паслуга аказваецца ў рамках пакетаў паслуг E-commerce. Праўда, скарыстацца новай магчымасцю можна пакуль не ва ўсіх паштовых аддзяленнях. Іх падрабязны спіс знаходзіцца на сайце «Белпошты».

Валяр'ян ШКЛЕННІК

Выбар рэдакцыі

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.

Палітыка

Уладзімір Макей: Прыярытэту «эканамічнай дыпламатыі» патрабуе час

Уладзімір Макей: Прыярытэту «эканамічнай дыпламатыі» патрабуе час

Гэтымi днямi дыпламатычная служба Беларусi адзначае векавы юбiлей. 

Культура

Стары замак у Гродне пачалі ўпрыгожваць скульптурна-мастацкімі элементамі

Стары замак у Гродне пачалі ўпрыгожваць скульптурна-мастацкімі элементамі

У хуткім часе на ўязной арцы з'явіцца барэльеф анёла з крыламі.

Грамадства

Быць у трэндзе. На які ўрок вучні пабягуць з радасцю?

Быць у трэндзе. На які ўрок вучні пабягуць з радасцю?

Вучыць пакаленне Z — задача няпростая.