Вы тут

Мінчанам акажуць дзяржпадтрымку пры будаўніцтве жылля ў Смалявічах


Пра гэта паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр ГОРВАЛЬ, перадае БЕЛТА.


«Падрыхтаваны праект указа аб правядзенні эксперымента з Мінскам і Смалявічамі ў частцы таго, каб элементы дзяржаўнай падтрымкі прапанаваць тым чаргавікам з Мінска, якія паедуць у горад-спадарожнік на пастаяннае месца жыхарства, — незалежна ад таго, маюць яны права на дзяржпадтрымку ці не. Гэты механізм зараз прапрацоўваецца. Спрабуем такім чынам прастымуляваць рух чаргавікоў з Мінска ў гарады-спадарожнікі», — сказаў Аляксандр Горваль.

Ён нагадаў, што працягвае дзейнічаць Дзяржаўная праграма па будаўніцтве жылых раёнаў для жыхароў сталіцы ў гарадах-спадарожніках. «Яна не так актыўна рэалізуецца з-за фінансавага аспекту, паколькі будаўніцтва жылля ў горадзе-спадарожніку атрымліваецца даражэйшае, чым у базавым горадзе. Калі на абжытых тэрыторыях кошт інфраструктуры складае 20—30 % ад цаны аб'екта, то ў гарадах-спадарожніках — 50—60 %. Трэба час, каб збалансаваць усе пытанні з фінансавага і сацыяльнага пункту гледжання», — адзначыў начальнік упраўлення жыллёвай палітыкі.

Ідэю дапамагаць субсідыямі і льготнымі крэдытамі чаргавікам, якія пагодзяцца будавацца ў Смалявічах, агучвала кіраўніцтва будаўнічай галіны яшчэ летась. Меркавалася, што будзе усё роўна, у якім годзе сям'я пастаўлена ў чаргу, — важна, каб яна хацела змяніць месца жыхарства — ужо за адно жаданне ёй абяцаюць дзяржпадтрымку.

Сяргей КУРКАЧ

Загаловак у газеце: Чаргавікі з Мінска — у гарады-спадарожнікі

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.