19 Верасень, серада

Вы тут

Якія паводзіны ў замежнай валюты, а менавіта ў долара?


У мінулы аўторак сталі вядомыя вынікі пасяджэння Федэральнай рэзервовай сістэмы ЗША. Як і меркавалі эксперты, працэнтную стаўку павысілі на 0,25 % да 2,00 %. Пасля чаго прагучаў прагноз па далейшай манетарнай палітыцы. Долар, аднак, зніжаецца на пазабіржавым рынку Форэкс, нягледзячы на аптымізм рэгулятара. Што пайшло не так?


Каментарый дае фінансавы кансультант Міхаіл Грачоў:

— Сапраўды, камітэт па адкрытых рынках Федэральнай рэзервовай сістэмы ЗША па выніках двухдзённага пасяджэння прыняў рашэнне аб чарговым павышэнні працэнтнай стаўкі. Магчымасць такога развіцця падзей ацэньвалася як вышэйшая за 90 %, што, уласна, і здарылася. Крыху пазней з каментарыем па рашэнні рэгулятара выступіў старшыня ФРС Джэром Паўэл. Яго выступленне рынкі расцанілі негатыўна, што прывяло да паслаблення долара.

Джэром Паўэл пацвердзіў, што рэзервовая сістэма гатовая ў бягучым годзе правесці яшчэ два цыклы павышэння стаўкі, пры гэтым ён адзначыў, што паказчык інфляцыі далёкі ад мэтавага значэння. Сёння індэкс долара зніжаецца.

На беларускім валютным рынку долар таксама знаходзіцца ў мінусе (-0,53 %), што адлюстроўвае агульную тэндэнцыю. Акрамя таго, днямі адбудзецца пасяджэнне яшчэ аднаго буйнога ўдзельніка сусветнага фінансавага рынку — Еўрапейскага цэнтральнага банка, ад якога таксама чакаюць важных рашэнняў.

Сяргей КУРКАЧ

Дадаць каментар

Выбар рэдакцыі

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.