Вы тут

БДПУ запрашае ў «Летнюю школу»


З 28 чэрвеня па 7 ліпеня Беларускі дзяржаўны педагагічны універсітэт імя Максіма Танка рэалізуе IV Міжнародны адукацыйны праект "Летняя школа 2018. Пазнай Беларусь: ад адукацыі да культуры".


Мерапрыемства адбудзецца пры падтрымцы міністэрстваў адукацыі, культуры і інфармацыйна-турысцкага цэнтра "Мінск". Да ўдзелу ў ім запрашаюцца маладыя людзі з розных краін свету ва ўзросце ад 18 да 25 гадоў. Рабочыя мовы праекта — беларуская, руская, англійская і французская.

Удзельнікаў мерапрыемства чакаюць займальныя і запамінальныя дзесяць дзён знаходжання ў Беларусі. Маладыя людзі змогуць азнаёміцца ​​з выдатнымі мясцінамі, храмамі, замкамі, радавымі сядзібамі, музеямі, гістарычным і сучасным Мінскам, акунуцца ў святочную атмасферу Дня Незалежнасці, наведаць фестываль вырабаў майстроў народнага промыслу, прыняць удзел у студэнцкім валанцёрскім руху, педагагічных рэйдах у дзіцячыя аздараўленчыя летніках, пазнаёміцца з арганізацыяй вышэйшай адукацыі ў Беларусі, умовамі паступлення ў магістратуру і аспірантуру БДПУ, дзейнасцю студэнцкіх навуковых лабараторый універсітэта.

З больш падрабязнай інфармацыяй аб IV Міжнародным адукацыйным праекце "Летняя школа 2018. Пазнай Беларусь: ад адукацыі да культуры" можна азнаёміцца ​​тут.


Для даведкі:

У 2015 годзе ў рамках дагавора аб супрацоўніцтве 20 студэнтаў Армянскага дзяржаўнага педагагічнага ўніверсітэта (г. Ерэван) прынялі ўдзел у першым праекце "Летняй школы". У 2016 годзе геаграфія ўдзельнікаў пашырылася. І ўжо 30 студэнтаў з універсітэтаў Рэспублікі Арменія, Народнай Рэспублікі Бангладэш, Расійскай Федэрацыі, Чэшскай Рэспублікі правялі дзесяць незабыўных дзён у Беларусі.

У 2017 годзе да армянскіх студэнтаў далучыліся 12 студэнтаў з Кітая, Латвіі, Польшчы і Расіі. Сёння праект унесены ад Рэспублікі Беларусь у Стратэгічны план работы краін СНД на 2017-2020 гады у рамках ажыццяўлення маладзёжнай і сацыяльнай палітыкі. Ён стаў візітнай карткай БДПУ і не мае аналагаў у краіне, бо не з'яўляецца толькі моўнай школай. У 2018 годзе праект адбудзецца ўжо ў чацвёрты раз.

Надзея НІКАЛАЕВА

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.