22 чэрвеня ў Дзень усенароднай памяці ахвяр Вялікай Айчыннай вайны ў Нацыянальным гістарычным музеі адкрыецца персанальная выстава Тамары Дзянісавай «Калі расцвітае бэз ...». Мерапрыемства пачнецца ў 16.00 і будзе прысвечана Дню вызвалення Беларусі ад нямецка-фашысцкіх захопнікаў.
- На выставе будзе прадстаўлена больш як 40 работ, прысвечаных памяці подзвігу народа ў Вялікай Айчыннай вайне. Асаблівае месца ў сваіх працах аўтар адводзіць гераічнаму лёсу Брэсцкай крэпасці - такой, якой яна прыняла пачатак вайны, і які мы яе ведаем і паважаем сёння, - распавялі ў музеі.
У цырымоніі адкрыцця возьмуць удзел прадстаўнікі міжнародных дыпламатычных місій, дзяржаўных органаў, кіраўнікі ўстаноў культуры і адукацыі, старшыні творчых саюзаў і культурнай грамадскасці.
Тамара Дзянісава з 2000 года з'яўляецца членам Беларускага саюза мастакоў. Аўтар працуе ў тэхніцы акварэльнага і станковага жывапісу, у жанрах пейзажу, нацюрморта, у рэлігійнай тэматыцы.
Дар'я СПЕВАК
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.