21 чэрвеня ў 18.00 у дворыку Нацыянальнага гістарычнага музея адбудзецца канцэртная праграма ў рамках міжнароднай акцыі «Свята Музыкі» (Fête de la Musique).
- «Свята Музыкі» (Fête de la Musique) - штогадовая музычная акцыя, якая праходзіць ва ўсім свеце 21 чэрвеня і прымеркавана да Дня летняга сонцастаяння. Больш як 100 дзяржаў і 340 гарадоў па ўсім свеце кожны год праводзяць жывыя выступы. Сёлета Беларусь упершыню далучаецца да гэтай міжнароднай акцыі, - распавялі ў музеі.
Па словах арганізатараў, «Свята Музыкі» - выдатная нагода пазнаёміцца з разнастайнасцю музычных жанраў, прадстаўленых у Беларусі і Францыі. «Лайн-ап мінскага Fête de la Musique - шматжанравы, усеабдымны і высокапрафесійны».
21 чэрвеня музей парадуе наведвальнікаў не толькі магчымасцю пазнаёміцца з яго экспазіцыямі, але і паслухаць музыку ў залах Нацыянальнага гістарычнага музея з першых хвілін адкрыцця.
З 18.00 да 23.00 перад гасцямі свята выступяць Аня Жданава, Malanka Orchestra, Re1ikt, Nizkiz. Аматараў вынаходлівай музыкі і вытанчанага гучання пацешаць спецыяльна запрошаныя з Францыі артысты Patricia Bonner і Jean-Michel Proust, якія прадставяць сумесную праграму з трыа Канстанціна Гарачага.
Атмасферу гарадской арт-падзеі дапоўніць творчая група «Гарошак Маркет». Будзе працаваць фудкорт-зона.
Мерапрыемства арганізавана Нацыянальным гістарычным музеем Рэспублікі Беларусь і канцэртнага агенцтва «Эквілібрыўм Артс» па ініцыятыве Пасольства Французскай Рэспублікі ў Рэспубліцы Беларусь і пры падтрымцы Міністэрства культуры Рэспублікі Беларусь.
Кошт квіткоў: 5 BYN, 3 BYN - школьнікі, пенсіянеры, студэнты.
Дар'я СПЕВАК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».