28 чэрвеня ў 19:00 у кіназале Музея гісторыі беларускага кіно пройдзе лекцыя даследчыцы і куратара Тані Арцімовіч «Мова новай драмы: навошта і для каго? Беларуская версія».
- Феномен новай драмы (ці новай п'есы) стаў неад'емнай часткай сучаснага тэатра на постсавецкай прасторы. Ён з'явіўся ў сярэдзіне 1990-х, а канчаткова гэты драматургічны феномен - «сучаснікі, якія гавораць для сучаснікаў» - сфарміраваўся ў пачатку новага тысячагоддзя і легалізаваўся ў канцы «нулявых». У Беларусі, нягледзячы на дзясяткі аўтараў, якія атрымалі міжнароднае прызнанне, гэтыя п'есы да гэтага часу з цяжкасцю трапляюць на сцэну, - распавядаюць арганізатары.
У рамках лекцыі ўдзельнікі будуць размаўляць пра сацыяльныя перадумовы з'яўлення новай драмы як «рэакцыі на крызіс ідэнтычнасці» на постсавецкай прасторы. Таксама зацікаўленыя даведаюцца, чаму трыгерам абнаўлення постсавецкага тэатра выступіла менавіта новая драма, адкуль узнікала такая патрэба менавіта ў рэпрэзентацыі штодзённасці на сцэне і інш. Акрамя таго, будзе разгледжана сучасная сітуацыя новай драмы ў беларускім кантэксце, калі раптам сталі з'яўляцца п'есы і тэксты на беларускай мове.
Мерапрыемства рэалізуецца ў рамках праекта «Т.О.К.» ( «Тэатр. Адукацыя. Кіно») Цэнтрам візуальных і выканальніцкіх мастацтваў "АРТ Карпарэйшн» і Нацыянальным гістарычным музеем.
Купіць білет можна на сайце artcorporation.by, bycard.by, kupalauski.by, smsbilet.by, а ў дзень мерапрыемства - у касе Музея гісторыі беларускага кіно.
Дар'я СПЕВАК
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
