Вы тут

Мужчына друкаваў грошы дома і расплачваўся імі на рынках


З пачатку года ў сталіцы ўстаноўлена чатыры факты збыту падробленых купюр наміналам 50 рублёў. Фальшыўкі збываліся на рынках, у месцах стыхійнага гандлю. У сувязі з гэтым, апроч аператыўна-вышукавых мерапрыемстваў, супрацоўнікі УБЭЗ ГУУС Мінгарвыканкама правялі і прафілактычную работу сярод работнікаў гандлю. Днямі яна дала свой плён.


На рынку "Тутэйшы" прадавец і адміністратар затрымалі мужчыну, які за клубніцы расплаціўся 50 падробленым рублямі. Потым экспертыза пацвердзіла, што купюра была выраблена не на прадпрыемстве па вытворчасці грашовых білетаў Нацыянальнага банка Рэспублікі Беларусь. Прыбыўшыя аператыўнікі знайшлі ў мужчыны пры сабе яшчэ чатыры такія ж падробленыя купюры. Дома ў яго канфіскавалі камп'ютарную тэхніку, на якой друкаваліся грошы. Затрыманы прызнаўся, што летась і сёлета збываў падробленыя грошы на рынках у сталіцы. У адносінах да мужчыны заведзена крымінальная справа за выраб, захоўванне або збыт падробленых грошай ці каштоўных папер. Раней грамадзянін быў судзімы за хуліганства і махлярства.

Сяргей РАСОЛЬКА

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.