Вы тут

Цяпер плаціць можна і праз бранзалет


І ў нас сталі выкарыстоўваць бескантактавыя банкаўскія плацежныя бранзалеты для хуткай і зручнай аплаты. Цяпер дастаткова прыкласці руку да тэрмінала, каб разлічыцца ў крамах, кафэ, рэстаранах, на АЗС або за праезд у метро. Пілотны праект рэалізаваў Пріорбанк сумесна з кампаніяй Vіsa.


Бранзалет можна выкарыстоўваць у падарожжах — прыладай можна аплачваць пакупкі як у Беларусі, так і за мяжой. Гаджэт не баіцца вады і перападаў тэмператур, так што яго можна смела браць на пляж, у аквапарк або трэнажорную залу.

Бранзалет змайстраваны досыць проста. У яго ўбудаваны паменшаны дублікат карткі з антэнай (міні-чып MіnіTag), які мае ўсе функцыі бескантактавых картак Vіsa Classіc payWave. Каб здзейсніць плацеж, трэба толькі паднесці бранзалет да плацежнага тэрмінала з падтрымкай бескантактавай тэхналогіі.

Пры аплаце рахункаў да 20 рублёў аперацыя праходзіць практычна імгненна — для яе пацвярджэння не патрабуецца ПІН-код. У выпадку буйной куплі плацеж трэба пацвердзіць, як і са звычайнай карткай. У якасці бонусу да бранзалета выдаецца банкаўская плацежная картка для ажыццяўлення аперацый у прыладах без падтрымкі бескантактавай аплаты.

Першымі навінку выпрабавалі супрацоўнікі адной прыватнай фірмы. Менавіта такім інавацыйным рашэннем банк павіншаваў ІT-кампанію з 25-годдзем. «Пакуль бранзалеты ў вольны продаж паступаць не будуць. Але ў будучыні мы плануем зрабіць тэхналогію даступнай для ўсіх кліентаў, даўшы магчымасць хутка і зручна аплачваць тавары ці паслугі», — расказалі ў Пріорбанку.

Сяргей КУРКАЧ

Загаловак у газеце: «Пляжны» бранзалет-кашалёк

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.