«Слаўная кампанія: рэANIMAцыя». Чатыры дні да завяршэння збору заявак
Першы этап конкурса «Слаўная кампанія: рэANIMAцыя», прысвечанага беларускім пісьменнікам ХІХ стагоддзя, шчасліва завершаны.
Арганізатары атрымалі 44 заяўкі ад аўтараў, самаму маладому з якіх — 14 гадоў, а самаму сталаму — 71 год. У адказ на заяўку кожны ўдзельнік атрымаў пажаданне ўдачы і натхнення, “ключы” — спіс крыніц у дапамогу, а таксама рэкамендацыю чытаць часопіс “Маладосць”, у якім, пачынаючы з майскага нумара, друкуюцца матэрыялы ў падтрымку конкурсу, напісаныя спецыяльна для таго, каб засцерагаць удзельнікаў ад магчымых памылак.
Канчатковая карціна “героі/ўдзельнікі” выглядае так:
Вікенцій Равінскі |
2
|
Ян Баршчэўскі |
6
|
Ян Чачот |
3 |
Франц Савіч |
3 |
Вінцэнт Дунін-Марцінкевіч |
3
|
Уладзіслаў Сыракомля |
3
|
Вінцэсь Каратынскі |
5 |
Пранціш Вуль |
2
|
Кастусь Каліноўскі |
6 |
Альгерд Абуховіч |
2 |
Францішак Багушэвіч |
2
|
Эліза Ажэшка |
3
|
Зоф’я Манькоўская |
2
|
Янка Лучына |
2 |
Як бачым, найбольш папулярнымі персонамі ў канкурсантаў сталі Кастусь Каліноўскі і Ян Баршчэўскі, трошкі менш — Вінцэсь Каратынскі. Адметна, што многія ўдзельнікі конкурсу выбралі героя-земляка.
На новым этапе конкурсу — да 31 кастрычніка — вядзецца праца над творамі. Удзельнікі могуць дасылаць арганізатарам пытанні і паказваць “рабочыя версіі” твораў з тым, каб атрымліваць дадатковую інфармацыю, карыстацца кансультацыямі і парадамі. Конкурс мае мэтай стварэнне папулярнага чытання пра айчынных пісьменнікаў ХІХ стагоддзя для ліквідацыі прабелаў ва ўяўленнях школьнікаў і ўвогуле моладзі, таму арганізатары робяць усё магчымае, каб не проста выявіць пераможцаў па выніках конкурсу і ўручыць грашовыя прэміі, а каб зрабіць справу, карысную як для ўдзельнікаў, так і для грамадства.
Конкурс «Слаўная кампанія: рэANIMAцыя» прымеркаваны да Году малой радзімы і прысвечаны 65-годдзю часопіса «Маладосць».
Форма твора — свабодная (эсэ, жыціе, літаратурная біяграфія, белетрызаваны біяграфічны нарыс, эпісталярная публіцыстыка, літаратурны партрэт, псеўдааўтабіяграфія, стылізаваныя мемуары, гістарычная аповесць і інш.), з арыентацыяй на займальнасць і чытацкія густы патэнцыяльнай адраснай аўдыторыі (вучні старшых класаў, студэнты і ўсе, хто цікавіцца гісторыяй роднай літаратуры).
Пераможцамі будуць лічыцца аўтары чатырох найлепшых тэкстаў, адабраных журы.
Кожны пераможца атрымае Дыплом і матэрыяльнае ўзнагароджанне ад Выдавецкага дома «Звязда» і іншых фундатараў.
Лепшыя конкурсныя творы будуць апублікаваны ў часопісе “Маладосць” на працягу 2019 года.
Па выніках конкурсу прадугледжваецца выданне кнігі лепшых гісторыка-біяграфічных твораў, прысвечаных беларускім пісьменнікам ХІХ стагоддзя.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.