Вы тут

Будуць выдадзены 44 новыя навучальныя дапаможнікі для школьнікаў


44 новыя навучальныя дапаможнікі для школьнікаў будуць выдадзены да 1 верасня.


У першую чаргу будзе абноўлена ўся лінейка падручнікаў і дапаможнікаў для чацвёртых і восьмых класаў. Гэта звязана з абнаўленнем у гэтых класах навучальных праграм па ўсіх прадметах. Таксама будуць выдадзены навучальныя дапаможнікі па замежных мовах для трэцяга, шостага, дзявятага і дзясятага класаў.

Новыя кнігі па матэматыцы і інфарматыцы, а таксама па працоўным навучанні пакладуць у свой партфель шасцікласнікі.

Асноўныя крытэрыі, якія захоўваліся пры стварэнні новых падручнікаў, — гэта даступнасць выкладання вучэбнага матэрыялу, практыка-арыентаванасць задач і практыкаванняў, рэалізацыя розных формаў прадстаўлення інфармацыі і рэалізацыя міжпрадметных сувязяў. Вучні будуць працаваць не толькі з суцэльным тэкстам, але і з графікамі, дыяграмамі і табліцамі.

Акрамя гэтага, новыя навучальныя дапаможнікі будуць змяшчаць спасылкі на розныя кампаненты вучэбна-метадычных комплексаў па прадметах. Настаўнік атрымае магчымасць дыферэнцаваць адукацыйны працэс. Для дзяцей, якія праяўляюць цікавасць да прадмета, прадугледжаны дадатковы кантэнт, які дапаможа паглыбіць веды і адпрацаваць атрыманыя навыкі.

Таксама ў новых навучальных дапаможніках будзе выкарыстоўвацца тэхналогія дапоўненай рэальнасці. Яна дазваляе «ажыўляць» карцінкі і ў большай ступені візуалізаваць матэрыял, што вывучаецца. Загрузіўшы бясплатна на электронную прыладу адпаведныя праграмы, вучні змогуць больш дакладна ўявіць вывучаемыя з'явы. Тэхналогія будзе рэалізавана ў падручніках па фізіцы і па мастацтве для восьмага класа.

Надзея НІКАЛАЕВА

Загаловак у газеце: Падручнік з дапоўненай рэальнасцю

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.