Вы тут

Субсідыі на новых падставах «запрацуюць» ужо ў жніўні


А ў жыроўках іх убачаць спажыўцы паслуг ЖКГ толькі ў верасні.

Пра гэта паведаміў журналістам галоўны эканаміст упраўлення эканомікі Міністэрства жыллёва-камунальнай гаспадаркі Алег Грузінаў.


Нагадаем, у краіне Указам № 225, падпісаным 7 чэрвеня, пашырана сістэма безнаяўных жыллёвых субсідый.

«Адпаведнае палажэнне ўказа ўступае ў сілу з 1 жніўня. Работа па выяўленні такіх грамадзян ужо вядзецца. Безнаяўныя жыллёвыя субсідыі будуць улічаныя ў іх паведамленнях восенню. У ліпені запланавана правядзенне семінараў для арганізацый, якія ажыццяўляюць налічэнне субсідый з улікам прынятых змяненняў», — сказаў галоўны эканаміст.

Названы ўказ пашырыў катэгорыі грамадзян, якія могуць атрымаць безнаяўныя субсідыі на аплату паслуг ЖКГ. Згодна з дакументам, права на субсідыю па выяўляльным прынцыпе мелі адзінокія і непрацуючыя пенсіянеры і інваліды. Цяпер права на субсідыю атрымалі яшчэ грамадзяне, якія даглядаюць дзяцей ва ўзросце да трох гадоў, дзяцей-інвалідаў да 18 гадоў, інвалідаў І групы або старых 80 і больш гадоў, і якія атрымліваюць сацыяльныя дапамогі на гэтыя мэты. Прычым атрымальнікам не спатрэбіцца збіраць даведкі, кудысьці хадзіць — налічваецца і падаўжаецца субсідыя аднолькава. Усю інфармацыю ў АРІП падасць Мінпрацы і сацабароны са сваіх актуальных баз.

Права на атрыманне субсідый па заяўным прынцыпе дадзена грамадзянам або сем'ям, якія не маюць уласнага жылля і пражываюць у здымных кватэрах альбо ў інтэрнаце прадпрыемстваў недзяржаўнай формы ўласнасці. Для атрымання субсідыі па заяўным прынцыпе трэба звярнуцца ў мясцовыя органы ўлады, у ЖЭСы або разлікова-даведачныя цэнтры, дзе можна напісаць адпаведную заяву. Субсідыя выдзяляецца пры ўмове, калі штомесячная сума платы за жыллёва-камунальныя паслугі пры нарматыўным іх спажыванні перавышае 20 % сярэднямесячнага сукупнага даходу сям'і ў горадзе і 15 % у сельскай мясцовасці.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.