КУТ — гэта клубы вясковых старастаў, што дзейнічаюць у аграгарадках Кальчуны і Мураваная Ашмянка.
Іх удзельнікі — актыўныя вяскоўцы, старасты вёсак і мясцовыя жыхары Кальчунскага і Мураванаашмянкаўскага сельскіх Саветаў, сярод якіх вясковыя бібліятэкары, школьнікі і моладзь, прадстаўнікі органаў улады ды іншыя.
Стварэнне клубаў вясковых старастаў стала дыялогавай пляцоўкай для ўзаемадзеяння грамадзян і органаў улады ў вырашэнні праблем мясцовага маштабу, растлумачылі яго ініцыятары. З дапамогай КУТа ствараюцца сацыяльна-інфармацыйныя цэнтры на базе мясцовых бібліятэк, арганізуюцца валанцёрскія групы для дастаўкі літаратуры і аказання сацыяльна-бытавых паслуг састарэлым жыхарам аддаленых населеных пунктаў.
Акрамя гэтага, дзякуючы розным конкурсам, такім як «Добрая справа», «Найлепшы гаспадар», дзіцячай творчасці «Замалёўкі з вандроўкі» і «Мой родны кут», вяскоўцы далучаюцца да рэалізацыі значных спраў у сваім рэгіёне. А яшчэ праект паспрыяў арганізацыі свят народнай культуры «Землякі» і «КУТарскі фэст».
Як паведамілі ў райвыканкаме, праекты ініцыятыўнай групы грамадзян Кальчунскага і Мураванаашмянкаўскага сельскіх Саветаў і мясцовай улады рэалізавалі дзякуючы перамозе ў конкурсе «ТАНДЭМ», што прайшоў у межах міжнароднай гуманітарнай дапамогі. Мэта праектаў — прыцягнуць грамадзян да вырашэння пытанняў мясцовага значэння.
Вольга АНУФРЫЕВА
Фота Сяргея НІКАНОВІЧА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
